କୋଭିଡ ଟିକା ନେଇ ସ୍ୱାସ୍ଥ୍ୟ କର୍ମୀଙ୍କ ପାଇଁ ଭଲ ଖବର, ଜାଣନ୍ତୁ କଣ
କୋଭିଡ ଟିକା ନେଇ ସ୍ୱାସ୍ଥ୍ୟ କର୍ମୀଙ୍କ ପାଇଁ ଭଲ ଖବର, ଜାଣନ୍ତୁ କଣ
admin
5318
ନୂଆଦିଲ୍ଲୀ:ଦେଶରେ କୋଭିଡ ମୁକାବିଲାରେ ନିୟୋଜିତ ୧ କୋଟି ଆଗଧାଡ଼ିର ସ୍ୱାସ୍ଥ୍ୟକର୍ମୀଙ୍କୁ ପ୍ରଥମେ କୋଭିଡ ଟିକା ମିଳିବ । ଏହା ପରେ କରୋନା ବିରୋଧରେ ଲଢେ଼ଇ ଜାରି ରଖିଥିବା ପ୍ରାୟ ୨ କୋଟି ଆଗ ଧାଡ଼ିର ଯୋଦ୍ଧା ଟିକା ପାଇବେ । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସର୍ବଦଳୀୟ ବୈଠକରେ ଏହି ଉପସ୍ଥାପନା କରାଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ହୋଇଥିବା ଉକ୍ତ ବୈଠକରେ କେନ୍ଦ୍ର ସ୍ୱାସ୍ଥ୍ୟ ସଚୀବ ରାଜେଶ ଭୂଷଣ ଟିକାକରଣ ପ୍ରସ୍ତୁତି ସମ୍ପର୍କିତ ତଥ୍ୟ ରଖିବା ଅବସରରେ ଏହା କହିଛନ୍ତି । ଡାକ୍ତର ଏବଂ ନର୍ସଙ୍କ ସମେତ ପ୍ରଥମେ ୧ କୋଟି ସ୍ୱାସ୍ଥ୍ୟ କର୍ମୀ ଟିକା ପାଇବେ ବୋଲି ଭୂଷଣ ସର୍ବଦଳୀୟ ବୈଠକରେ କହିଥିଲେ । ସମସ୍ତ ଦଳର ନେତାଙ୍କୁ ହୋଇଥିବା ଭର୍ଚୁଆଲ ସର୍ବଦଳୀୟ ବୈଠକରେ ଯୋଗ ଦେବା ପାଇଁ ଆମନ୍ତ୍ରିତ କରାଯାଇଥିଲା । ୫ କିମ୍ବା ୫ ରୁ ଅଧିକ ସାଂସଦ ଥିବା ବିଭିନ୍ନ ରାଜନୈତିକ ଦଳର ମୋଟ ୧୩ ଜଣ ନେତା ଏହି ବୈଠକରେ ଅଂଶଗ୍ରହଣ କରିଥିଲେ ।
