କୋଟିଆ ପ୍ରସଙ୍ଗ ନେଇ ସରକାରଙ୍କୁ ଘେରିବ ବିଜେପି
କୋଟିଆ ପ୍ରସଙ୍ଗ ନେଇ ସରକାରଙ୍କୁ ଘେରିବ ବିଜେପି
admin
4424
ଭୁବନେଶ୍ୱର: ଆସନ୍ତାକାଲି ଅର୍ଥାତ ଗୁରୁବାର ଠାରୁ ଆରମ୍ଭ ହେବ ବିଧାନସଭାର ବଜେଟ ଅଧିବେଶନ । ଏଥର ବିଧାନସଭା ଆରମ୍ଭରୁ କମ୍ପିବ। ବିଭିନ୍ନ ପ୍ରସଙ୍ଗକୁ ନେଇ ବିରୋଧୀ ସରକାରଙ୍କୁ ଘେରିବା ପାଇଁ ଯୋଜନା ରଖିଛନ୍ତି । ଏନେଇ ବିଜେପି ପକ୍ଷରୁ ବିଧାନସଭା ରଣକୌଶଳ ପ୍ରସ୍ତୁତ କରିବା ପାଇଁ ବିଧାୟକ ଦଳ ବୈଠକ ଅନୁଷ୍ଠିତ ହୋଇଯାଇଛି ।
ବୈଠକ ପରେ ବିଜେପିର ମୁଖ୍ୟ ସଚେତକ ମୋହନ ମାଝୀ ସୂଚନା ଦେଇ କହିଛନ୍ତି ଯେ, ବିଧାନସଭାରେ ସୀମା ବିବାଦ, ସୀମାରେ ଆନ୍ଧ୍ରର ଉପସ୍ଥିତି ଓ ଆଇନଶୃଙ୍ଖଳା ପରିସ୍ଥିତି ପ୍ରସଙ୍ଗକୁ ଉଠାଯିବ । ଏହାଛଡ଼ା ମାହାଙ୍ଗା ଡବଲ ମର୍ଡର, ପରୀ ମାମଲା ଓ କୃଷି ପ୍ରସଙ୍ଗ ଉଠାଇବାକୁ ବିଧାୟକ ଦଳ ବୈଠକରେ ନିଷ୍ପତ୍ତି ନିଆଯାଇଛି । କେବଳ ସେତିକି ନୁହେଁ ଧାନର ଅଭାବୀ ବିକ୍ରି, ମଣ୍ଡି ସମସ୍ୟା, ଟୋକନ ଅବ୍ୟବସ୍ଥା, ଲିଙ୍ଗରାଜ ଓ ପୁରୀ ବାଇ ଲ’ ପ୍ରକୃତ ତଥ୍ୟ ନେଇ ସରକାରଙ୍କୁ ଘେରିବାକୁ ଯୋଜନା ରହିଥିବା ଶ୍ରୀ ମାଝୀ କହିଛନ୍ତି ।
ଅନ୍ୟପଟେ ବିରୋଧୀଦଳ ହାତରେ ଆକ୍ରମଣ ପାଇଁ ଯେତିକି ଅସ୍ତ୍ର, ସରକାରୀ ଦଳ ହାତରେ ପାଲଟା ଆକ୍ରମଣ ପାଇଁ ବି ସେତିକି ପ୍ରସଙ୍ଗ ରହିଛି। ଉଭୟ ଲଢେଇ ପାଇଁ ପୂରାପୂରି ପ୍ରସ୍ତୁତ।
ଶାସକ ଦଳ ବି ପ୍ରତି ଆକ୍ରମଣ ପାଇଁ ସଜେଇ ହୋଇ ରହିଛି। ତାଜା ଅସ୍ତ୍ର ମିଳିଛି ଜାତୀୟ ଐତିହ୍ୟ କର୍ତ୍ତୃପକ୍ଷ (ଏନ୍ଏମ୍ଏ)ର ବିବାଦୀୟ ବାଇ-ଲ। ଏହାକୁ ନେଇ ଶାସକ ଦଳ କେନ୍ଦ୍ର ବିରୋଧରେ ଗର୍ଜିବ। ଏହାସାଙ୍ଗକୁ ତୈଳ ଦର ଓ ରନ୍ଧନ ଗ୍ୟାସ ଦର ବୃଦ୍ଧି ପ୍ରସଙ୍ଗରେ ବିଜେଡି କଂଗ୍ରେସକୁ ସାଥିରେ ନେଇ ଲଢ଼ି ବିରୋଧୀ ଦଳ ବିଜେପିକୁ ଘାଇଲା କରିବ । କୃଷି ଆଇନ ପ୍ରସଙ୍ଗରେ ବି ଏମିତି ଜୋରଦାର ଲଢ଼େଇ ଦେଖିବାକୁ ମିଳିପାରେ ଏଥର ଅଧିବେଶନରେ।
