କୀଟନାଶକ ପିଇ ଚାଷୀଙ୍କ ଆତ୍ମହତ୍ୟା
କୀଟନାଶକ ପିଇ ଚାଷୀଙ୍କ ଆତ୍ମହତ୍ୟା
admin
2932
ରେଙ୍ଗାଲି: ଚାଷୀଙ୍କୁ ନେଇ ରାଜନୀତି ଜୋର ଧରିଥିବା ବେଳେ ସମ୍ବଲପୁର ଜିଲ୍ଲା ରେଙ୍ଗାଲି ଅଞ୍ଚଳର ଜଣେ ଯୁବ ଚାଷୀ କୀଟନାଶକ ପିଇ ଆତ୍ମହତ୍ୟା କରିବା ଘଟଣା ଆଲୋଡନ ସୃଷ୍ଟି କରିଛି । ଏହି ଚାଷୀ ହେଲେ କତରବଗା ଥାନା ଝାଙ୍କରପାଲି ପଞ୍ଚାୟତ କୁସୁମଡିହି ଗ୍ରାମର ଦାମୋଦର ବଗର୍ତ୍ତି (୩୫) । ଉପାର୍ଜିତ ଧାନ ବିକି୍ର କରି ନ ପାରି ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିବା ପରିବାର ପକ୍ଷରୁ କୁହାଯାଇଛି । ପ୍ରକାଶ ଯେ ସ୍ୱର୍ଗତ ଇନ୍ଦ୍ରଜିତ ବଗର୍ତ୍ତିଙ୍କ ଦୁଇ ପୁଅ ଶରତ(୩୮) ଓ ଦାମୋଦର (୩୫) । ଦୁଇ ଭାଇ ୬ ଏକର ଚାଷ ଜମିରେ ଚାଷ କରନ୍ତି । ଦାମୋଦର ନିଜ ଭାଗରେ ୩ ଏକର ଜମିରେ କରିଥିବା ଚାଷ ପାଇଁ ହାତ ଉଧାରି କରିଥିଲେ । ଗୋଟିଏ କାର୍ଡରେ ତାଙ୍କର କଷ୍ଟୋପାର୍ଜିତ ଧାନ କିପରି ବିକି୍ର କରିବେ ଓ ପରିବାର ପ୍ରତିପୋଷଣ କରିବେ ବୋଲି ଚିନ୍ତାରେ ଗତ ୧୨ ତାରିଖରେ କୀଟନାଶକ ପିଇଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତୁ୍ୟ ହୋଇଛି ।
