କାରାଗାରରେ ଥିବା କଏଦୀଙ୍କୁ କୋଭିଡ୍ ଟିକା ଦିଆଯିବ
କାରାଗାରରେ ଥିବା କଏଦୀଙ୍କୁ କୋଭିଡ୍ ଟିକା ଦିଆଯିବ
admin
3651
ଭୁବନେଶ୍ୱର : କାରାଗାରରେ ଥିବା କଏଦୀଙ୍କୁ କୋଭିଡ୍ ଟିକା ଦିଆଯିବ । ୬୦ ବର୍ଷରୁ ଅଧିକ ଏବଂ ଗୁରୁତର ରୋଗୀ ୪୫ ବର୍ଷରୁ ଅଧିକ ହୋଇଥିଲେ ସେମାନଙ୍କୁ ପ୍ରଥମେ ଟିକା ଦିଆଯିବ । ଏନେଇ କାରାଗାର ଓ ସୁଧାର ସେବା ନିର୍ଦ୍ଦେଶାଳୟ ପକ୍ଷରୁ ସୂଚନା ଦିଆଯାଇଛି । ନିର୍ଦ୍ଦେଶାଳୟ ପକ୍ଷରୁ ସମସ୍ତ କାରାଗାର ଅଧୀକ୍ଷକଙ୍କୁ ଚିଠି ପଠାଯାଇଛି । ଟିକାକରଣ ଆରମ୍ଭ ନେଇ ତୁରନ୍ତ ପଦକ୍ଷେପ ନିଆଯାଉ । ଜିଲ୍ଲା ପ୍ରଶାସନ ଓ ସିଡିଏମ୍ଓଙ୍କ ସହ କାର୍ୟ୍ୟକ୍ରମ ନେଇ ଆଲୋଚନା କରାଯାଉ । ଜେଲ ମଧ୍ୟରେ ଟିକାକରଣ ପାଇଁ ବ୍ୟବସ୍ଥା କରାଯିବ । ଟିକାକରଣ ବେଳେ ସମସ୍ତ କୋଭିଡ୍ ଗାଇଡ୍ଲାଇନ ମାନିବା ସହ ସୁରକ୍ଷା ପ୍ରଣାଳୀ(ପ୍ରୋଟୋକଲ୍) ଆପଣାଇବାକୁ ଚିଠିରେ ପରାମର୍ଶ ଦିଆଯାଇଛି । ସୂଚନା ଥାଉ କି, ଏବେ ସୁଦ୍ଧା ରାଜ୍ୟରେ ୭ ଲକ୍ଷ ୫୪ ହଜାର ୬୪୩ ଜଣ ଲୋକଙ୍କୁ ଟିକା ଦିଆଯାଇ ସାରିଛି ।
