କଙ୍ଗନାଙ୍କ ଟ୍ୱିଟର ଆକାଉଂଟରେ କଟକଣା
କଙ୍ଗନାଙ୍କ ଟ୍ୱିଟର ଆକାଉଂଟରେ କଟକଣା
admin
4894
ନୂଆଦିଲ୍ଲୀ : ଟ୍ୱିଟର ହେଉକି ଫେସବୁକ, ସବୁବେଳେ ଚର୍ଚ୍ଚାରେ ରହୁଥିବା କଙ୍ଗନା ରାନାୱତ ଏବେ ଅକଳରେ ପଡ଼ିଯାଇଛନ୍ତି । ବିଶେଷକରି ସେ ଟ୍ୱିଟରରେ ଦିନ ସାରା ଟ୍ୱିଟ କରି ଚାଲୁଥିବାବେଳେ ଏବେ କିନ୍ତୁ ତାଙ୍କ ଆକାଉଂଟକୁ ବନ୍ଦ କରି ଦିଆଯାଇଛି । ନିକଟରେ ଟ୍ରମ୍ଫଙ୍କର ଟ୍ୱିଟର ଆକାଉଂଟକୁ ବନ୍ଦ କରାଯାଇଥିବାବେଳେ ଏବେ କଙ୍ଗନାଙ୍କ ଆକାଉଂଟ ଉପରେ ବି ପ୍ରତିବନ୍ଧକ ଲାଗିଛି । ଯେଉଁଥିପାଇଁ ଏବେ କଙ୍ଗନା ରାଗି ପାଚି ଲାଲ ହୋଇ ଯାଇଛନ୍ତି ।
ଏମିତିକି ଟ୍ୱିଟର ସିଇଓଙ୍କୁ ବି ସେ ଧମକ ଦେବାକୁ ପଛାଇ ନାହାନ୍ତି । ଏମିତିକି ତମ ବଂଚିବା ମୁସ୍କିଲ କରିଦେବି ବୋଲି କହିଛନ୍ତି କଙ୍ଗନା । ଅପରପକ୍ଷରେ କଙ୍ଗନା ବହୁ ସମୟରେ ଉତେଜନା ସୃଷ୍ଟିକାରୀ ଟ୍ୱିଟ କରୁଥିବାବେଳେ କଙ୍ଗନା ରାନାୱତ ସସପେଣ୍ଡ ବୋଲି ଟ୍ୱିଟର ଟ୍ରେଣ୍ଡ ବି ଚାଲିଛି । ସେମାନଙ୍କ ଉପରେ କଙ୍ଗନା ଖପ୍ପା । ସେମାନଙ୍କୁ ସେ ଅଣ ରାଷ୍ଟ୍ରବାଦୀ ବୋଲି କହିଛନ୍ତି ।
ସୂଚନାଯୋଗ୍ୟଯେ, ୱେବ ସିରିଜ ତାଣ୍ଡବ ଏବେ ବିବାଦ ଘେରରେ ରହିଛି । ଏନେଇ କଙ୍ଗନା ଏକ ଟ୍ୱିଟ କରିଥିଲେ । ସେ କହିଥିଲେଯେ, ଭଗବାନ କୃଷ୍ଣ ଶିଶୁପାଳଙ୍କର ୯୯ ଭୁଲକୁ କ୍ଷମା କରିଥିଲେ । ପ୍ରଥମେ ଶାନ୍ତି, ତା’ପରେ କ୍ରାନ୍ତି । ଏବେ ସେମାନଙ୍କ ବେକ କାଟିବାର ବେଳ ଆସିଯାଇଛି । ଜୟ ଶ୍ରୀକୃଷ୍ଣ ବୋଲି ସେ ଟ୍ୱିଟ କରିଥିଲେ । ଫଳରେ କଙ୍ଗନାଙ୍କ ଆକାଉଂଟ ଉପରେ କିଛି ସମୟ ପ୍ରତିବନ୍ଧକ ଲାଗିଥିଲା ।
