ଓଏଏସ ଆଶାୟୀଙ୍କ ପାଇଁ ଆଉ ଏକ ସୁଯୋଗ

Dec 12, 2020 - 11:02 Updated: Dec 12, 2020 - 11:02

4988

ଭୁବନେଶ୍ୱର: ଓଏଏସ ଆଶାୟୀଙ୍କ ପାଇଁ ଖୁସି ଖବର । ୨୦୨୦ ଓଡ଼ିଶା ସିଭିଲ ସର୍ଭିସ ପାଇଁ ଆଉ ଥରେ ପରୀକ୍ଷା ଦେବାର ସୁଯୋଗ ଦେଇଛନ୍ତି ରାଜ୍ୟ ସରକାର । ଏ ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି । ବିଜ୍ଞପ୍ତି ଅନୁସାରେ ୨୦୧୮, ୨୦୧୯ରେ ଓଡ଼ିଶା ସିଭିଲ ସର୍ଭିସ ପାଇଁ ପରୀକ୍ଷା ଦେଇଥିବା ଆଶାୟୀ ସର୍ବାଧିକ ବୟସ ବା ୩ ଥର ପରୀକ୍ଷା ଦେଇ ସାରିଥିବା କାରଣରୁ ଯଦି ୨୦୨୦ ଓଡ଼ିଶା ସଭିଲ ସର୍ଭିସ ପରୀକ୍ଷାରେ ବସିବାକୁ ଅକୃତକାର୍ଯ୍ୟ ହୋଇଛନ୍ତି ତେବେ ସେମାନେ ଆଉ ଥରେ ପରୀକ୍ଷା ଦେଇପାରିବେ । ଏହାକୁ ତକ୍ରାଳ ଲାଗୁ କରିବାକୁ ସାଧାରଣ ପ୍ରଶାସନ ବିଭାଗ ପକ୍ଷରୁ କୁହାଯାଇଛି । ଏଥିପାଇଁ ଏସିଏସ ରୁଲ-୧୯୯୧ କୁ ପରବର୍ତ୍ତୀ ପର୍ଯ୍ୟାୟରେ ସଂଶୋଧନ କରାଯିବ ବୋଲି ବିଜ୍ଞପ୍ତିରେ କୁହାଯାଇଛି । ଏ ନେଇ ସବୁ ବିଭାଗ ଓ ଜିଲ୍ଲାପାଳଙ୍କୁ ମଧ୍ୟ ଅବଗତ କରାଯାଇଛି । ୟୁପିଏସସି ଢ଼ାଞ୍ଚାରେ ଓଡ଼ିଶା ସିଭିଲ ସର୍ଭିସ ପରୀକ୍ଷା ହେବା ପରଠାରୁ ରାଜ୍ୟ ସରକାର ଅନେକ ଥର ଆଶାୟୀଙ୍କ ପାଇଁ ପରୀକ୍ଷା ଦେବାକୁ ସୁଯୋଗ ଦେଇଛନ୍ତି । ଏହା ସତ୍ତ୍ୱେ ପୁନର୍ବାର ଛାତ୍ରଛାତ୍ରୀଙ୍କ ଅନୁରୋଧ ରକ୍ଷା କରି ରାଜ୍ୟ ସରକାର ଏଭଳି ନିଷ୍ପତ୍ତି ନେଇଛନ୍ତି ।