ଏକାବେଳେ ଆତ୍ମହତ୍ୟା କରିଥିଲେ ୯୦୦ ଲୋକ, ବିଶ୍ୱ ଇତିହାସରେ ବିରଳ
ଏକାବେଳେ ଆତ୍ମହତ୍ୟା କରିଥିଲେ ୯୦୦ ଲୋକ, ବିଶ୍ୱ ଇତିହାସରେ ବିରଳ
admin
4793
ଆମ ଦେଶରେ ଲୋକେ ଅନେକ ଅନ୍ଧବିଶ୍ୱାସକୁ ପ୍ରାଧାନ୍ୟ ଦେଇଥାନ୍ତି । ସାଧାରଣତଃ ସମ୍ନାରେ ବିଲେଇ ରାସ୍ତା କାଟିବା, କାର୍ଯ୍ୟ ଆରମ୍ଭରେ ଛିଙ୍କିବା ଇତ୍ୟାଦି ଅଶୁଭ ବୋଲି ମନାଯାଏ । କିନ୍ତୁ ଆପଣ ଶୁଣି ଆଶ୍ଚର୍ଯ୍ୟ ହେବେ, ଏମିତି ଏକ ଅନ୍ଧବିଶ୍ୱାସ ଯାହାପାଇଁ ୯୦୦ ଲୋକ ଏକାଠି ଜୀବନ ହାରିଲେ । ଆଜ୍ଞା ହଁ ଘଟଣାଟି ହେଉଛି ଆମେରିକା ନିକଟ ଗୁଇନାର ଜୋନାଷ୍ଟାଉନର । ପ୍ରକୃତରେ ଏହି ଘଟଣା ପଛରେଜିମ ଜୋନ୍ସ ନାମକ ଜଣେ ଧାର୍ମିକ ଶିକ୍ଷକ ଥିଲେ । ସେ ନିଜକୁ ଭଗବାନଙ୍କ ଅବତାର ବୋଲି କହୁଥିଲେ । ୧୯୫୬ ମସିହାରେ ଜିମ ଜୋନ୍ସ (ପିପୁଲ୍ସ ଟେମ୍ପୁଲ) ନାମକ ଏକ ଚର୍ଚ୍ଚ ନିର୍ମାଣ କରି ଅସହାୟ ଲୋକମାନଙ୍କ ମଧ୍ୟରେ ଅନୁପ୍ରବେଶ ବଢାଇବାରେ ସାହାଯ୍ୟ କରିଥିଲେ । ତାଙ୍କ ଧାର୍ମିକ କଥାବାର୍ତ୍ତା ଓ ଅନ୍ଧବିଶ୍ୱାସ ବଳରେ ସେ ଲୋକମାନଙ୍କୁ ବାନ୍ଧି ରଖିଥିଲେ । ତାଙ୍କ ମତ ଆମେରିକା ସରକାରଙ୍କ ଠାରୁ ଭିନ୍ନ ଥିଲା ତେଣୁ ସେ ନିଜ ଅନୁଗାମୀଙ୍କୁ ନେଇ ଜଂଗଲରେ ଏକ ଛୋଟ ଗାଁ ଗଢିଲେ । ସେହି ଗାଁର ସମସ୍ତ ଲୋକମାନଙ୍କୁ ସେ ଦିନ,ରାତି କାମ କରାଉଥିଲେ । ସେମାନେ ଥକି ପଡିଲେ ମଧ୍ୟ ଶୋଇବାକୁ ଦେଉନଥିଲେ । ଯଦି କ୍ଳାନ୍ତ ହୋଇ କିଏ ଶୋଇଯାଆନ୍ତି, ସେମାନଙ୍କୁ କଠୋର ଦଣ୍ଡ ଦିଆଯାଏ । ତାଙ୍କ ସାମ୍ରାଜ୍ୟ ବିସ୍ତାର ବିଷୟରେ ଆମେରିକା ସରକାର ଜାଣି ତାଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଚିନ୍ତା କଲେ କିନ୍ତୁ ଏହା ଜିମ୍ ଜୋନ୍ସ ଜାଣିପାରି ସମସ୍ତ ଅନୁଗାମୀଙ୍କୁ ଏକାଠି ହେବାକୁ କହିଥିଲେ । ସେ ଏକ ବଡ କୁଣ୍ଡ ଜଳରେ ବିଷ ମିଶାଇ, ମୃଦୁ ପାନୀୟ ପ୍ରସ୍ତୁତ କରିଥିଲେ, ତାହାକୁ ପବିତ୍ର ଜଳବୋଲି କହିଲେ । ଲୋକମାନଙ୍କୁ କହିଲେ ଯେ ସରକାର ଆମ ବିଷୟରେ ଜାଣି ଦେଇଛନ୍ତି । ତେଣୁ ସେ ଏଠି ଆସି ପଶୁ ଭଳି ବ୍ୟବହାର କରିବେ, ସମସ୍ତଙ୍କୁ ମାରିଦେବେ, ମହିଳା ମାନଙ୍କୁ ବଳାକôାର କରିବେ, ବୋମା ଫଙ୍ଗିବେ । ସେଥିରୁ ରକ୍ଷା ପାଇବା ପାଇଁ ଏହି ପବିତ୍ର ଜଳକୁ ପିଇବାକୁ ପଡିବ । ଯିଏ ମନା କଲେ ତାକୁ ଜବରଦସ୍ତ ପିଆଇ ଦିଆଗଲା । ଫଳରେ ୯୦୦ ଲୋକଙ୍କ ସହ ଜିମ ଜୋନ୍ସଙ୍କ ମୃତ ଦେହ ସେହି ସ୍ଥାନରୁ ଉଦ୍ଧାର ହୋଇଥିଲା । ସେଥିରେ ୩୦୦ ରୁ ଅଧିକ ପିଲା ସାମିଲ ଥିଲେ ।
