ଇସଲାମ ମୌଳବାଦୀଙ୍କ ତାଣ୍ଡବ : ଫ୍ରାନ୍ସ ଚର୍ଚ୍ଚ ବାହାରେ ୩ ଜଣଙ୍କୁ ହତ୍ୟା
ଇସଲାମ ମୌଳବାଦୀଙ୍କ ତାଣ୍ଡବ : ଫ୍ରାନ୍ସ ଚର୍ଚ୍ଚ ବାହାରେ ୩ ଜଣଙ୍କୁ ହତ୍ୟା
admin
2247
ପ୍ୟାରିସ୍ : ଫ୍ରାନ୍ସରେ ଇସଲାମ ମୌଳବାଦୀଙ୍କ ତାଣ୍ଡବ ଦିନକୁ ଦିନ ବଢିବାରେ ଲାଗିଛି । ଗୁରୁବାର ଏକ ଚର୍ଚ୍ଚ ବାହାରେ ଜଣେ ମହିଳାଙ୍କ ସମେତ ୩ ଜଣଙ୍କୁ ହତ୍ୟା କରାଯାଇଛି । ଇସଲାମ ବିରୋଧୀ କାର୍ଟୁନ ସେୟାର କରିବା କାରଣରୁ ମହିଳାଙ୍କ ବେକ କାଟି ଦିଆଯାଇଥିବା ଜଣାପଡିଛି । ନିକଟରେ ମହମ୍ମଦଙ୍କ କାର୍ଟୁନ ଦେଖାଇଥିବା କାରଣରୁ ଜଣେ ଶିକ୍ଷକଙ୍କୁ ହତ୍ୟା କରାଯାଇଥିବା ବେଳେ ଏହି ଘଟଣାକୁ ନେଇ ଆତଙ୍କ ଖେଳିଯାଇଛି । ନାଇସ ସହରର ନଟ୍ରେ ଡାମ ଚର୍ଚ୍ଚ ବାହାରେ ଏହି ଘଟଣା ଘଟିଥିଲା । ଏହି ଆକ୍ରମଣ ପରେ ପୋଲିସ ଅଭିଯୁକ୍ତଙ୍କୁ ଗିରଫ କରିଛି ।ଅଭିଯୁକ୍ତ ଜଣକ ଏକ ଧାରୁଆ ଛୁରୀରେ ଆକ୍ରମଣ କରିବାରୁ ମହିଳାଙ୍କ ସମେତ ୩ ଜଣଙ୍କର ପ୍ରାଣହାନି ଘଟିଥିଲା । ନାଇସ ସହରର ମେୟର ଏହି ଘଟଣାକୁ ଆତଙ୍କବାଦ ସହିତ ତୁଳନା କରିଥିବା ବେଳେ ଉଦ୍ଧାର କାର୍ଯ୍ୟ ପାଇଁ ସ୍ଥାନୀୟ ପୋଲିସ ଏବଂ ଦମକଳ ବାହିନୀ ମୁତୟନ କରାଯାଇଛି ।
