ଇନ୍ଦୋରରେ କେବଳ ଏମାନଙ୍କୁ ମିଳିବ ପାସ୍
ଇନ୍ଦୋରରେ କେବଳ ଏମାନଙ୍କୁ ମିଳିବ ପାସ୍
admin
5202
କରୋନା ପ୍ରସାରକୁ କମାଇବା ନିମନ୍ତେ ମଧ୍ୟପ୍ରଦେଶର ଇନ୍ଦୋର ଜିଲ୍ଲାକୁ ସମ୍ପୂର୍ଣ୍ଣ ରୂପେ ସିଲ୍ କରିଦିଆଯାଇଛି । କୌଣସି ବ୍ୟକ୍ତିକୁ ଭିତରେ ପ୍ରବେଶ କରିବା ଏବଂ ବାହାରକୁ ଯିବା ପାଇଁ ଅନୁମତି ଦିଆଯାଉନାହିଁ । ଫଳରେ କେତେକ ଜରୁରୀ ସେବା ଚାହୁଁଥିବା ଲୋକମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଛନ୍ତି । ଏଣୁ କୌଣସି ବ୍ୟକ୍ତି ଜିଲ୍ଲାରୁ ବାହାରକୁ ଯିବା ନିମନ୍ତେ କିମ୍ବା ଜିଲ୍ଲା ମଧ୍ୟକୁ ପ୍ରବେଶ କରିବା ଲାଗି ଏକ ସ୍ୱତନ୍ତ୍ର ପାସ ବ୍ୟବସ୍ଥା କରାଯାଇଛି । ଜରୁରୀକାଳୀନ ମେଡିକାଲ ପରିସ୍ଥିତି, କୌଣସି ସମ୍ପର୍କୀୟଙ୍କ ମୃତ୍ୟୁ ହେଲେ କିମ୍ବା ଅସ୍ଥି ବିସର୍ଜନ ନିମନ୍ତେ ବ୍ୟକ୍ତିଙ୍କୁ ପାସ ଯୋଗାଇ ଦିଆଯିବ ବୋଲି ସ୍ଥାନୀୟ ପ୍ରଶାସନ ବିବୃତ୍ତି ଜାରି କରି କହିଛନ୍ତି । ଏପ୍ରିଲ ୨୬ ପର୍ଯ୍ୟନ୍ତ ଏହି ନିୟମ କାର୍ଯ୍ୟକାରୀ ରହିବ । ପାସ ଆବେଦନ କରିବା ନିମନ୍ତେ ସ୍ୱତନ୍ତ୍ର ଏକ ପୋର୍ଟାଲ ଖୋଲାଯାଇଛି । ଉକ୍ତ ପୋର୍ଟାଲରେ ହିଁ ଆବେଦକ ଜଣଙ୍କୁ ଅନଲାଇନରେ ଇ-ପାସ୍ ମିଳିଯିବ ।
