ହ୍ୱାଟସଆପରେ ପାଠ ପଢ଼ିବେ ପିଲା
ହ୍ୱାଟସଆପରେ ପାଠ ପଢ଼ିବେ ପିଲା
admin
5480
ଭୁବନେଶ୍ୱର: କରୋନା ପାଇଁ ଆସନ୍ତା ମେ’୩ ଯାଏ ସାରା ଦେଶରେ ଲକଡାଉନ ଜାରି ରହିଛି । ତାହାକୁ ଦୃଷ୍ଟିରେ ରଖି କିଛି ଜିଲ୍ଲା ଶିକ୍ଷା ଅଧିକାରୀ ମାନେ ଯେକୌଣସି ପ୍ରକାରେ ପିଲାଙ୍କୁ ଶିକ୍ଷା ଦେବାକୁ ଲାଗି ପଡ଼ିଛନ୍ତି । ପୁରୀ, ଖୋର୍ଦ୍ଧା, ସୁନ୍ଦରଗଡ଼ ଜିଲ୍ଲାର ଡିଇଓଙ୍କ ନିର୍ଦ୍ଦେଶକ୍ରମେ ଶିକ୍ଷକ,ଶିକ୍ଷୟିତ୍ରୀ ଇତି ମଧ୍ୟରେ ପିଲାଙ୍କ ଘରେ ମାଗଣା ବହି ପହଞ୍ଚାଉଛନ୍ତି । ଖୋର୍ଦ୍ଧା ଜିଲ୍ଲା ଶିକ୍ଷା ଅଧିକାରୀ ଆଗୁଆ ପଦକ୍ଷେପ ନେଇ ଛୁଟି ସମୟରେ ପିଲାଙ୍କୁ ହ୍ୱାଟସଆପରେ ପଢ଼ାଇବାକୁ ସମସ୍ତ ବ୍ଲକ ଶିକ୍ଷା ଅଧିକାରୀ, ପ୍ରଧାନଶିକ୍ଷକ, ପ୍ରଧାନଶିକ୍ଷୟିତ୍ରୀଙ୍କୁ କହିବା ପରେ ଏହାକୁ ସାରା ରାଜ୍ୟରେ ଲାଗୁ କରିବା ପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ଲକ୍ଷ୍ୟ ରଖିଛି । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ କହିଛନ୍ତି ଯେ ଖୋର୍ଦ୍ଧାରେ ଥିବା ସ୍କୁଲ ଗୁଡ଼ିକ ହ୍ୱାଟସ ଆପରେ ଶିକ୍ଷା ସଂଯୋଗ ଗ୍ରୁପ ତିଆରି କରି ପିଲାଙ୍କୁ ପାଠ ପଢ଼ାଇବାକୁ କୁହାଯାଇଛି । ଶ୍ରେଣୀ ଅନୁଯାୟୀ ହ୍ୱାଟସ ଆପ ଗ୍ରୁପ ଗଢ଼ିବା ପାଇଁ ୧୦ଟି ବ୍ଲକ ଓ ୟୁଏଲବିକୁ ପରାମର୍ଶ ଦିଆଯାଇଛି । ପ୍ରତି କ୍ଲାସ ପାଇଁ ଗୋଟେ ଲେଖାଏ ଗ୍ରୁପ ତିଆରି ହେବ । ଏହି ପ୍ରକ୍ରିୟାରେ ଏପ୍ରିଲ ୧୯ ରୁ ୨୦ ଯାଏ ଛାତ୍ରଛାତ୍ରୀଙ୍କୁ ଶିକ୍ଷା ଦିଆଯିବ । ରାଜ୍ୟର ଅନ୍ୟ ଜିଲ୍ଲା ଗୁଡ଼ିକରେ ବି ଏହି ବ୍ୟବସ୍ଥା ଜୁନ ଯାଏ ପିଲାଙ୍କ ଶିକ୍ଷା ଦିଆଯିବ । ଯେଉଁ ଅଭିଭାବକଙ୍କର ଆଣ୍ଡ୍ରଏଡ ମୋବାଇଲ ରହିଛି, ସେମାନେ ନିଜ ପିଲାଙ୍କୁ ପଢ଼ିବା ପାଇଁ ଦିଅନ୍ତୁ । ଛାତ୍ରଛାତ୍ରୀମାନେ ଦେଇଥିବା ଆଧାରକାର୍ଡ ଅନୁସାରେ ଯେଉଁମାନଙ୍କର ଆଣ୍ଡ୍ରଏଡ ମୋବାଇଲ ଅଛି, ସେମାନଙ୍କ ଗ୍ରୁପରେ ସଂଯୋଗ କରାଯାଇଛି । ଏହି ଗ୍ରୁପ ମାଧ୍ୟମରେ ପାଠ୍ୟକ୍ରମ ପଢ଼ାଯିବ । ସମସ୍ତ ଜିଲ୍ଲାରେ ଏହି ବ୍ୟବସ୍ଥା ଲାଗୁ କରାଯିବା ପାଇଁ ପରାମର୍ଶ ଦିଆଯାଇଛି ।
