ଅଭିନେତ୍ରୀଙ୍କ ସହ ସମ୍ପର୍କ ପ୍ରଘଟ ପରେ ଦାଉଦ ବିଚଳିତ
ଅଭିନେତ୍ରୀଙ୍କ ସହ ସମ୍ପର୍କ ପ୍ରଘଟ ପରେ ଦାଉଦ ବିଚଳିତ
admin
2043
କରାଚୀ: ପାକିସ୍ତାନ ଅଭିନେତ୍ରୀ ମେହୱିସ ହାୟତଙ୍କ ସହିତ ସମ୍ପର୍କ ପ୍ରଘଟ ହେବା ପରେ କୁଖ୍ୟାତ ଡନ ଦାଉଦ ଇବ୍ରାହିମ ପୁନର୍ବାର ଚିନ୍ତାରେ ପଡ଼ିଯାଇଛି । ଦୁଇ ଦିନ ପୂର୍ବେ ପାକିସ୍ତାନ ସରକାର ତା’ର ଠିକଣା ଘୋଷଣା କରି ଦାଉଦକୁ ଅଡୁଆରେ ପକାଇଥିବା ବେଳେ ୩୭ ବର୍ଷୀୟ ଅଭିନେତ୍ରୀଙ୍କ ସହ ଅନୈତିକ ସମ୍ପର୍କକୁ ନେଇ ତା’ର ସଂକଟ ବଢ଼ିଯାଇଛି । ଏହି ସମ୍ପର୍କ ବିଷୟ କେମିତି ପ୍ରଘଟ ହେଲା ସେ ବିଷୟରେ ଏବେ ଦାଉଦ ଖୋଳତାଡ଼ ଆରମ୍ଭ କରିଛି । ଆତଙ୍କବାଦୀ ଦାଉଦଠାରୁ ପ୍ରାୟ ୨୭ ବର୍ଷ ସାନ ହାୟତ ଅଳ୍ପକାଳ ହେଲା ପାକିସ୍ତାନ ଗଣମାଧ୍ୟମ ଓ ଗ୍ଲାମର ଶିଳ୍ପରେ ଏକ ଚର୍ଚ୍ଚିତ ଚେହେରା । ଆଇଟମ ନମ୍ବର ମାଧ୍ୟମରେ କ୍ୟାରିୟର ଆରମ୍ଭ କରିଥିବା ହାୟତ ‘ପଞ୍ଜାବ ନହିଁ ଯାଉଙ୍ଗି’ ଚଳଚ୍ଚିତ୍ରରେ ଚର୍ଚ୍ଚାକୁ ଆସିଥିଲେ । ପରେ ଦାଉଦ ସହାୟତାରେ ବଡ଼ ବଜେଟର ସିନେମାରେ ଅଭିନୟ ସୁଯୋଗ ପାଇଥିବା କୁହାଯାଉଛି । ଏହି ଆଇଟମ ସଙ୍ଗୀତ ହିଁ ତାଙ୍କ ପ୍ରତି ଦାଉଦର ଆକର୍ଷଣ ବଢ଼ାଇଥିଲା । ପରେ ଉଭୟଙ୍କ ମଧ୍ୟରେ ସମ୍ପର୍କ ସ୍ଥାପନ ହୋଇଥିଲା । କ୍ରମଶଃ ତାହା ପ୍ରେମରେ ପରିଣତ ହେଲା । ଏଥିସହିତ ଚଳଚ୍ଚିତ୍ର ଓ ଗ୍ଲାମର ଜଗତରେ ହାୟତଙ୍କ ପ୍ରାଧାନ୍ୟ ବଢ଼ିଯାଇଥିବା କୁହାଯାଉଛି । ୨୦୧୯ ରେ ପ୍ରଥମେ ଉଭୟଙ୍କ ସମ୍ପର୍କ ପଦାକୁ ଆସିଥିଲା ଯେତେବେଳେ ହାୟତଙ୍କୁ ପାକିସ୍ତାନ ଅନ୍ୟତମ ଶ୍ରେଷ୍ଠ ନାଗରିକ ସମ୍ମାନ ‘ତମଘା-ଇ-ଇମତିଆଜ’ ପ୍ରଦାନ କରାଯାଇଥିଲା । ସେତେବେଳେ ଦେଶର ଚଳଚ୍ଚିତ୍ର ଜଗତ ସହ ବିଭିନ୍ନ ମହଲରେ ଏ ନେଇ ବିସ୍ମୟ ପ୍ରକାଶ ପାଇଥିଲା ।
