‘ପୃଥ୍ୱୀରାଜ’ରେ ପାଦ ଥାପିଲେ ମାନୁଷୀ ଛିଲର
‘ପୃଥ୍ୱୀରାଜ’ରେ ପାଦ ଥାପିଲେ ମାନୁଷୀ ଛିଲର
admin
5729
ଚନ୍ଦ୍ରପ୍ରକାଶ ଦ୍ୱିବେଦୀଙ୍କ ନିର୍ଦ୍ଦେଶନାରେ ଐତିହାସିକ ଫିଲ୍ମ ‘ପୃଥ୍ୱୀରାଜ’ ର ସୁଟିଂ ଚାଲିଛି । ଏଥିରେ ‘ପୃଥ୍ୱୀରାଜ ଚୌହାନ’ ଭୂମିକାରେ ଅଭିନୟ କରୁଛନ୍ତି ଅକ୍ଷୟ କୁମାର ଏବଂ ସଂଯୁକ୍ତା ଭୂମିକାରେ ‘ମାନୁଷୀ ଛିଲର’ । ୨୦୧୭ ରେ ‘ମିସ୍ ୱାଲର୍ଡ’ ଟାଇଟଲ୍ ଜିଣିଥିବା ମାନୁଷୀଙ୍କର ଏହା ପ୍ରଥମ ଫିଲ୍ମ ।
ବାଇଶ ବର୍ଷ ବୟସ୍କା ମାନୁଷୀ, ହରିୟାଣା ଅନ୍ତର୍ଗତ ଝଜ୍ଜରର ମୂଳ ବାସିନ୍ଦା । ସେ ଜାଟ ସମ୍ପ୍ରଦାୟର । ତାଙ୍କ ପିତା ମିତ୍ର ବସୁ ଛିଲର ‘ଡିଆରଡିଓ’ର କାର୍ଯ୍ୟରତ ବିଜ୍ଞାନୀ ଏବଂ ମାତା ନ୍ୟୁରୋକେମିଷ୍ଟ୍ରି ବିଭାଗୀୟ ସହକାରୀ ପ୍ରଫେସର । ମାନୁଷୀ ଶୈଶବରୁ ପଢ଼ାରେ ଆଗୁଆ ଥିଲେ । ସେ ଏବେ ସୋନିପତସ୍ଥିତ ‘ଭଗତ ଫୁଲ ସିଂହ ମେଡିକାଲ କଲେଜ’ରେ ଏମ୍ବିବିଏସ୍ ଛାତ୍ରୀ । ତେବେ ମଡେଲିଂ ଅଭିନୟ ଆଦିକୁ ଅଧିକ ସମୟ ଦେଉଥିବାରୁ ଶୈକ୍ଷିକ ଜୀବନ ବିଶୃଙ୍ଖଳିତ । ସେ କୁଚିପୁଡ଼ି ଶାସ୍ତ୍ରୀ ନୃତ୍ୟରେ ପ୍ରବୀଣା । ନିଜର ପ୍ରଥମ ଫିଲ୍ମ ତାଙ୍କ କେଉଁ ସ୍ତରରେ ନେଇ ପହଞ୍ଚାଇବ, ତାହା ଦେଖିବା ପରେ ସେ ନିଜ ଭବିଷ୍ୟତ ବାବଦରେ ନିଷ୍ପତ୍ତି ନେବେ ବୋଲି ନିକଟରେ ଏକ ସାକ୍ଷାତକାରରେ କହିଛନ୍ତି ।
