ୱେବମିଡିଆ ସମ୍ପର୍କରେ ଏହା କହିଲେ ମନ୍ତ୍ରୀ
admin
ଭୁବନେଶ୍ୱର:ରାଜ୍ୟରେ ଅଛି କେତେ ପଞ୍ଜୀକୃତ ୱେବ ମିଡ଼ିଆ? ୱେବ ପୋର୍ଟାଲକୁ ସରକାରୀ ସ୍ୱୀକୃତି ଦେବାକୁ ସରକାର କଣ ନୀତି କରିଛନ୍ତି? ଯଦି କରିନାହାନ୍ତି ତେବେ ନୂଆ ନୀତି ପ୍ରଣୟନ ପାଇଁ ବିଚାର କରିବେ କି?ଏହାଛଡା କେତେ ୱେବ ମିଡ଼ିଆ ସରକାରୀ ସ୍ୱୀକୃତି ପାଇଁ ଆବେଦନ କରିଛନ୍ତି ତାହାର ଉତ୍ତର ଜାଣିବାକୁ ଚାହିଁଥିଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ।
ନରସିଂହଙ୍କ ପ୍ରଶ୍ନର ଉତ୍ତରରେ ସୂଚନା ଓ ଲୋକସମ୍ପର୍କ ବିଭାଗ ମନ୍ତ୍ରୀ ପ୍ରଦୀପ ଅମାତ କହିଛନ୍ତି, ୱେବ ପୋର୍ଟାଲକୁ ସ୍ୱୀକୃତି ପ୍ରଦାନ ବାବଦରେ କୌଣସି ନୀତି ରାଜ୍ୟ ସରକାରଙ୍କ ପାଖରେ ନାହିଁ । କେବଳ ୱେବ ପୋର୍ଟାଲକୁ ବିଜ୍ଞାପନ ପ୍ରଦାନ କରିବା ଉଦ୍ଦେଶ୍ୟରେ ତାଲିକା ପ୍ରସ୍ତୁତ କରିବାକୁ ବିଭାଗ ପକ୍ଷରୁ ୱେବ ମିଡ଼ିଆ ପଲିସି-୨୦୨୦ କାର୍ୟ୍ୟକାରୀ କରାଯାଇଛି । ଏହି ନୀତି ଅନୁସାରେ ୱେବ ମିଡ଼ିଆ ସଂସ୍ଥା ଗୁଡିକର ପଞ୍ଜୀକରଣ କରିବାର ବ୍ୟବସ୍ଥା ରହିଛି । ଏବେ ସୁଦ୍ଧା ପ୍ରଥମ ପର୍ୟ୍ୟାୟରେ ୮୪ ଗୋଟି ସଂସ୍ଥା ଆବେଦନ କରିଥିଲେ ଏବଂ ସେମାନଙ୍କ ମଧ୍ୟରୁ ୪୮ ଗୋଟି ସଂସ୍ଥାର ପଞ୍ଜୀକରଣ ଜୁନ୍-୨୦୨୦ ସୁଦ୍ଧା କରାଯାଇଥିଲା । ଏବେ ୫୮ଟି ସଂସ୍ଥା ପଞ୍ଜୀକରଣ ନିମନ୍ତେ ଆବେଦନ କରିଛନ୍ତି । ସେମାନଙ୍କ ଆବେଦନ ବିଚାରଧୀନ ରହିଛି । ୱେବ ମିଡ଼ିଆ ପଲିସିର ସର୍ତ୍ତାବଳୀ ଅନୁସାରେ ପଞ୍ଜୀକରଣ କରାଯିବ ବୋଲି କହିଛନ୍ତି ବିଭାଗୀୟ ମନ୍ତ୍ରୀ ।
