୨୫ ରେ ହୀରାକୁଦ ଛାଡ଼ିବ ପ୍ରଥମ ବନ୍ୟାଜଳ ।
୨୫ ରେ ହୀରାକୁଦ ଛାଡ଼ିବ ପ୍ରଥମ ବନ୍ୟାଜଳ ।
admin
1907
ସମ୍ବଲପୁର: ହୀରାକୁଦ ବନ୍ଧରୁ ଚଳିତ ବର୍ଷର ପ୍ରଥମ ବନ୍ୟାଜଳ ଆସନ୍ତା ୨୫ ତାରିଖରେ ମହାନଦୀକୁ ଛଡ଼ାଯିବ । ଏ ନେଇ ବନ୍ଧ କର୍ତ୍ତୃପକ୍ଷଙ୍କ ପକ୍ଷରୁ ବିଧିବଦ୍ଧ ଘୋଷଣା ଜାରି ହୋଇଛି । ସଠିକ ସମୟରେ ମୌସୁମୀ ଆସି ଭଲ ବର୍ଷା ହୋଇଥିବାରୁ ହୀରାକୁଦର ଜଳସ୍ତର ୬୧୫ ଫୁଟ ଅତିକ୍ରମ କରିସାରିଛି । ରୁଲ୍ କର୍ଭ ଅନୁଯାୟୀ, ଜୁଲାଇ ୧ ତାରିଖ ସୁଦ୍ଧା ସର୍ବନିମ୍ନ ୫୯୫ ଫୁଟ ରହିବା କଥା । ହେଲେ ଜଳଭଣ୍ଡାରରେ ବର୍ତ୍ତମାନ ୨୦ ଫୁଟ ଅଧିକ ପାଣି ଥିବାରୁ ଜଳ ନିଷ୍କାସନ ଜରୁରୀ । ବନ୍ୟା ଜଳ ନିଷ୍କାସନ ପାଇଁ ତଳମୁଣ୍ଡରେ ସତର୍କତା ସୂଚନା ଜାରି କରାଯାଇଛି । ବିନା ଲଘୁଚାପରେ କିଛି ଦିନ ହେଲା ହୀରାକୁଦର ଉପରମୁଣ୍ଡରେ ଭଲ ବର୍ଷା ହୋଇଛି । ଏପରିକି କ୍ରମାଗତ ୫ ଦିନ ଧରି ହାରାହାରି ୨୦ ରୁ ୫୦ ମିମି ପର୍ଯ୍ୟନ୍ତ ବର୍ଷା ହୋଇ ଆସିଛି ।
