୨୩ ରେ ୪ ରାଜ୍ୟରେ ବିଧାନସଭା ଉପନିର୍ବାଚନ

Aug 26, 2019 - 05:02 Updated: Aug 26, 2019 - 05:02

3062

ନୂଆଦିଲ୍ଲୀ: ଉତ୍ତରପ୍ରଦେଶ, ତି୍ରପୁରା, ଛତିଶଗଡ଼ ଓ କେରଳର ଗୋଟିଏ ଲେଖାଏଁ ବିଧାନସଭା ଆସନରେ ସେପ୍ଟେମ୍ବର ୨୩ରେ ଉପନିର୍ବାଚନ ଅନୁଷ୍ଠିତ ହେବ । ନିର୍ବାଚନ କମିଶନ ରବିବାର ଏ ନେଇ ଘୋଷଣା କରିଛନ୍ତି । ସେହି ଆସନ ଗୁଡ଼ିକ ହେଲା ଛତିଶଗଡ଼ ଦାନ୍ତେୱାଡା, ତି୍ରପୁରାର ବଧେରଘାଟ, ଉତ୍ତରପ୍ରଦେଶର ହମିରପୁର ଏବଂ କେରଳର ପାଲା । ହମିରପୁରର ଭାଜପା ବିଧାୟକ ଅଶୋକ ଚାଣ୍ଡେଲ ଅଯୋଗ୍ୟ ଘୋଷିତ ହେବା ପରେ ସେଠାରେ ଉପନିର୍ବାଚନ ଆବଶ୍ୟକ ପଡ଼ିଛି । ସେହିପରି ଦାନ୍ତେୱାଡା, ପାଲା ଓ ବଧେରଘାଟର ବିଧାୟକମାନଙ୍କ ପରଲୋକ ହୋଇଥିବାରୁ ସେଠାରେ ଉପନିର୍ବାଚନ ହେବାକୁ ଯାଉଛି । ଏହି ୪ଟି ଆସନ ପାଇଁ ଅଗଷ୍ଟ ୨୮ରେ ବିଜ୍ଞପ୍ତି ପ୍ରକାଶ ପାଇବ । ଏବଂ ସେପ୍ଟେମ୍ବର ୨୭ରେ ଭୋଟ ଗଣତି ହେବ । ଉତ୍ତର ପ୍ରଦେଶର ଅନ୍ୟ ୧୨ଟି ବିଧାନସଭା ଆସନରେ ଉପନିର୍ବାଚନ ହେବାକୁ ଥିଲେ ହେଁ ଏଥିପାଇଁ ତାରିଖ ଘୋଷଣା ହୋଇନାହିଁ । ଅଧିକାଂଶ ବିଧାୟକ ଲୋକସଭାକୁ ନିର୍ବାଚିତ ହୋଇଥିବାରୁ ସେହି ଆସନ ଗୁଡ଼ିକ ଖାଲି ପଡ଼ିଛି ।