୧୨ ବରିଷ୍ଠ ଅଧିକାରୀଙ୍କୁ ଜିଲ୍ଲା ଦାୟିତ୍ୱ, ଖରିଫ ଧାନ ସଂଗ୍ରହ ତଦାରଖ କରିବେ
୧୨ ବରିଷ୍ଠ ଅଧିକାରୀଙ୍କୁ ଜିଲ୍ଲା ଦାୟିତ୍ୱ, ଖରିଫ ଧାନ ସଂଗ୍ରହ ତଦାରଖ କରିବେ
admin
5133
ଭୁବନେଶ୍ୱର:ପଞ୍ଜୀକୃତ ଚାଷୀଙ୍କ ଠାରୁ ଖରିଫ ଧାନ ସଂଗ୍ରହ କାର୍ଯ୍ୟକୁ ସ୍ୱଚ୍ଛ, ସୁବ୍ୟବସ୍ଥିତ କରିବା ନିମନ୍ତେ ଯୋଗାଣ ଓ ସମବାୟ ବିଭାଗର ୧୨ ଜଣ ବରିଷ୍ଠ ଅଧିକାରୀଙ୍କୁ ବିଭିନ୍ନ ଜିଲ୍ଲାର ଦାୟିତ୍ୱ ଦିଆଯାଇଛି । ଅଧିକାରୀମାନେ ପ୍ରତିଦିନ ଧାନ ସଂଗ୍ରହ କାର୍ଯ୍ୟକୁ ତଦାରଖ କରିବା ସହିତ ଦାୟିତ୍ୱ ଦିଆଯାଇଥିବା ଜିଲ୍ଲାଗୁଡ଼ିକୁ ନିୟମିତ ପରିଦର୍ଶନ କରିବା ପାଇଁ ନିଦେ୍ର୍ଧଶ ଦିଆଯାଇଛି । ବରିଷ୍ଠ ଅଧିକାରୀମାନେ ସେମାନଙ୍କ ଜିଲ୍ଲା ଗସ୍ତ ସମୟରେ ଚାଷୀ ଓ ପ୍ରାଥମିକ କୃଷି ସମବାୟ ସମିତିର କର୍ମକର୍ତ୍ତାମାନଙ୍କୁ ଭେଟି ସେମାନଙ୍କ ସମସ୍ୟା ସମ୍ପର୍କରେ ଅବଗତ ହେବା ସହିତ କ୍ଷେତ୍ର ସ୍ତରରେ ଧାନ ସଂଗ୍ରହରେ ଉପୁଜୁଥିବା ସମସ୍ୟାର ସମାଧାନ ଦିଗରେ ଆବଶ୍ୟକ ପଦକ୍ଷେପ ନେବେ । ଏହା ସହିତ ସମବାୟ ସମିତିର ସମୂହ ନିବନ୍ଧକଙ୍କ ପକ୍ଷରୁ ଡିଆରସିଏସ ଓ ଏଆରସିଏସ କାର୍ଯ୍ୟାଳୟରେ କଣ୍ଟ୍ରୋଲ ରୁମ କାର୍ଯ୍ୟ କରିବ । ଜିଲ୍ଲା ଦାୟିତ୍ୱରେ ଥିବା ଅଧିକାରୀମାନେ ହେଲେ ବରଗଡ଼ ଜିଲ୍ଲା ପାଇଁ ଯୋଗାଣ ନିଗମ ପରିଚାଳନା ନିଦେ୍ର୍ଧଶକ ବିଶ୍ୱଜିତ କେଶରୀ ନାସ, ସମ୍ବଲପୁର ପାଇଁ ସମବାୟ ସମିତି ସମୂହ ନିବନ୍ଧକ ସୁଶାନ୍ତ ବାରିକ, କଳାହାଣ୍ଡି ପାଇଁ ଯୋଗାଣ ବିଭାଗର ଅତିରିକ୍ତ ଶାସନ ସଚିବଧୀରେନ୍ଦ୍ର କୁମାର ସାହୁ, ନୂଆପଡ଼ା ପାଇଁ ଯୋଗାଣ ବିଭାଗର ଅତିରିକ୍ତ ନିଦେ୍ର୍ଧଶକ ଅଜିତ କୁମାର ପାତ୍ର, ସୁବର୍ଣ୍ଣପୁର ପାଇଁ ସମବାୟ ବିଭାଗର ସ୍ୱତନ୍ତ୍ର ଶାସନ ସଚିବ ଭରତ ଚନ୍ଦ୍ର ବେହେରା, ବଲାଙ୍ଗୀର ପାଇଁ ଯୁଗ୍ମ ଶାସନ ସଚିବ ସୁଦର୍ଶନ ସେଠୀ, କୋରାପୁଟ ପାଇଁ ଯୋଗାଣ ବିଭାଗର ଯୁଗ୍ମ ନିଦେ୍ର୍ଧଶକ ନରେନ୍ଦ୍ର କୁମାର ରାଉତ, ବୌଦ୍ଧ ପାଇଁ ସମବାୟ ବିଭାଗର ଯୁଗ୍ମ ସଚିବ ସନ୍ତୋଷ କୁମାର ଦାଶ, ସୁନ୍ଦରଗଡ଼ ପାଇଁ ଯୋଗାଣ ବିଭାଗର ଅତିରିକ୍ତ ଶାସନ ସଚିବ ଜ୍ୟୋତି କୁମାର ଲାକ୍ରା, କେନ୍ଦୁଝର ସମବାୟ ବିଭାଗର ଉପ ଶାସନ ସଚିବ ସୁଶାନ୍ତ କୁମାର ପଣ୍ଡା, ଝାରସୁଗୁଡ଼ା ପାଇଁ ଡିଆରସିଏସ କୃଷ୍ଣ ଚନ୍ଦ୍ର ଦାସ ଓ ରାୟଗଡ଼ା ପାଇଁ ପିଡିଏସ ମହାପ୍ରବନ୍ଧକ ସୁଧାକର ଶବର ।
