ୟୁପି ପଞ୍ଚାୟତ ନିର୍ବାଚନରେ ଯୋଗୀ ଆଦିତ୍ୟନାଥଙ୍କ ନେତୃତ୍ୱ ବିଜେପି ସରକାରକୁ ବଡ଼ ଧକ୍କା
ୟୁପି ପଞ୍ଚାୟତ ନିର୍ବାଚନରେ ଯୋଗୀ ଆଦିତ୍ୟନାଥଙ୍କ ନେତୃତ୍ୱ ବିଜେପି ସରକାରକୁ ବଡ଼ ଧକ୍କା
admin
3539
ଲକ୍ଷ୍ନୌ: ଉତ୍ତରପ୍ରଦେଶ ପଞ୍ଚାୟତ ନିର୍ବାଚନରେ ଯୋଗୀ ଆଦିତ୍ୟନାଥଙ୍କ ନେତୃତ୍ୱ ବିଜେପି ସରକାରକୁ ବଡ଼ ଧକ୍କା ଦେଇଛି । ରାଜ୍ୟରେ ବିଜେପିର ଗଡ଼ କୁହାଯାଉଥିବା ଅଯୋଧ୍ୟା, ବାରଣାସୀ, ମଥୁରାରେ ଦଳ ପରାଜୟ ବରଣ କରିଛି । ବାରଣାସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ବାଚନମଣ୍ଡଳୀ ହୋଇଥିବା ବେଳେ ଏଠାରେ ବିଜେପି ୪୦ଟି ଜିଲ୍ଲା ପରିଷଦ ଆସନରୁ ମାତ୍ର ୭ଟିରେ ବିଜୟୀ ହୋଇଛି । ବାରାଣସୀରେ ସମାଜବାଦୀ ପାର୍ଟି ୧୫ଟି ଜିଲ୍ଲା ପରିଷଦ ଆସନ ପାଇଥିବା ବେଳେ ବିଏସପି ୫ଟି ଓ ଆପନା ଦଳ ୩ଟି ଆସନ ପାଇଛି । ମଥୁରାରେ ବିଜେପି ୮ଟି ଜିଲ୍ଲା ପରିଷଦ ଆସନ ପାଇଛି । ଏହା ସହିତ ସ୍ୱାଧୀନ ପ୍ରାର୍ଥୀ ୩ଟି ଓ ଏସପି ୧ ଟି ଆସନ ପାଇଛି । ଅଯୋଧ୍ୟାର ୪୦ଟି ଆସନରୁ ସମାଜବାଦୀ ପାର୍ଟି ୨୪ଟି ଆସନରେ ବିଜୟୀ ହୋଇଛି । ବିଜେପି ଏଠାରେ ମାତ୍ର ୬ଟି ଆସନ ପାଇଛି । ରାଜ୍ୟର ୩୦୫୦ଟି ଜିଲ୍ଲା ପରିଷଦ ଆସନ ମଧ୍ୟରୁ ବିଜେପି ୯୮୧ଟିରେ ବିଜୟୀ ହୋଇଥିବା ବେଳେ ୫୦୦ ରୁ ଅଧିକ ଆସନରେ ଆଗୁଆ ରହିଛି । ଗତ ଏପି୍ରଲରେ ଉତ୍ତରପ୍ରଦେଶର ୭୫ଟି ଜିଲ୍ଲାରେ ୮.୬୯ ଲକ୍ଷ ବିଭିନ୍ନ ପଞ୍ଚାୟତ ପ୍ରତିନିଧି ପଦ ଲାଗି ୪ଟି ପର୍ଯ୍ୟାୟରେ ନିର୍ବାଚନ ହୋଇଥିଲା । ରବିବାର ଠାରୁ ଏହି ନିର୍ବାଚନର ମତ ଗଣତି ଆରମ୍ଭ ହୋଇଥିବା ବେଳେ ସମସ୍ତ ଆସନର ଫଳ ଘୋଷଣା ହୋଇନାହିଁ ।
