ହ୍ୱିଲ ଚେୟାରରେ ମମତାଙ୍କ ରୋଡ ସୋ

Mar 15, 2021 - 07:13 Updated: Mar 15, 2021 - 07:13

6411

କୋଲକାତା: ପଶ୍ଚିମବଙ୍ଗର ନନ୍ଦିଗ୍ରାମରେ ନିର୍ବାଚନୀ ପ୍ରଚାର ସମୟରେ ଆହତ ହେବାର ୪ ଦିନ ପରେ ଟିଏମସି ସୁପି୍ରମୋ ମମତା ବାନାର୍ଜୀ ହ୍ୱିଲ ଚେୟାରରେ ବସି ରୋଡ ସୋ କରିଛନ୍ତି । ପଶ୍ଚିମ ବର୍ଦ୍ଧମାନ ଜିଲ୍ଲାର ଦୁର୍ଗାପୁରରେ ପ୍ରଚାର ବେଳେ ମମତା କହିଛନ୍ତି ଏକ ଘାଇଲା ବାଘ ଅଧିକ ଭୟଙ୍କର ହୋଇଥାଏ । ମୋ ଜୀବନରେ ଅନେକ ଆଘାତ ପାଇଛି, ବହୁ ଆକ୍ରମଣର ସମ୍ମୁଖୀନ ହୋଇଛି । ହେଲେ କେଉଁଠି ବି ମଥାନତ କରି ନାହିଁ ବୋଲି ମମତା କହିଛନ୍ତି । ହସ୍ପିଟାଲ ଛାଡ଼ିବା ପରେ ପ୍ରଥମ ଥର ମେଓ ରୋଡରୁ ହାଜ୍ରା ମୋଡ ପର୍ଯ୍ୟନ୍ତ ରୋଡ ସୋ କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ତୃଣମୂଳ ବରିଷ୍ଠ ନେତାମାନଙ୍କ ଗହଣରେ ଏବଂ ସୁରକ୍ଷା କର୍ମୀ ସହାୟତାରେ ହୁଇଲ ଚେୟାରରେ ପାଞ୍ଚ କିମି ରୋଡ ସୋ କରିବା ପରେ ସମବେତ ଜନତାଙ୍କୁ ଉଦବୋଧନ ଦେଇଥିଲେ । ଯୋଡହସ୍ତରେ ଜନତାଙ୍କୁ ସମ୍ବୋଧିତ କରି ମମତା କହିଲେ ଭଙ୍ଗା ଗୋଡରେ ହୁଇଲ ଚେୟାରରେ ବସି ସମଗ୍ର ବଙ୍ଗଳାରେ ପ୍ରଚାର କରିବି । ଯଦି ଜନତା ଆମକୁ ଭୋଟ ଦେବେ, ତା ହେଲେ ଗଣତନ୍ତ୍ର ସେମାନଙ୍କ ନିକଟକୁ ନିଶ୍ଚୟ ଫେରିବ । ବାଲାଂ ବିରୋଧରେ ହେଉଥିବା ସମସ୍ତ ଷଡଯନ୍ତ୍ର ପୂର୍ଣ୍ଣଚ୍ଛେଦ ପଡ଼ିବ ।