ସିରାଜଙ୍କ ଘାତକ ବୋଲିଂ: କେକେଆର ୧୪/୪
ସିରାଜଙ୍କ ଘାତକ ବୋଲିଂ: କେକେଆର ୧୪/୪
admin
1946
ଦୁବାଇ : ଭାରତୀୟ ପେସ ବୋଲର ମହମ୍ମଦ ସିରାଜଙ୍କ ଘାତକ ବୋଲିଂ ଫଳରେ କେକେଆର ଦୟନୀୟ ସ୍ଥିତିରେ ରହିଛି । ଗତ ମ୍ୟାଚରୁ ବାଦ ପଡିଥିବା ସିରାଜ ଦୁଇ ଓଭରରେ କୌଣସି ରନ ନଦେଇ ୩ଟି ୱିକେଟ ଅକ୍ତିଆର କରିଥିଲେ । ସିରାଜଙ୍କ ଘାତକ ବୋଲିଂ ଫଳରେ କେକେଆରର ଟପ ଅର୍ଡର ସମ୍ପୂର୍ଣ୍ଣ ଧ୍ୱସ୍ତ ହୋଇଯାଇଥିଲା । ସିରାଜଙ୍କ ବ୍ୟତିତ ନବଦୀପ ସାଇନି ଅନ୍ୟ ୱିକେଟଟି ଅକ୍ତିଆର କରିଥିଲେ । ଏହି ମ୍ୟାଚରେ ଟସ ଜିତି ବ୍ୟାଟିଂ ନିଷ୍ପତ୍ତି ନେଇଥିଲେ କେେଆର ଅଧିନାୟକ ଇଓନ ମୋର୍ଗାନ । ତେବେ ସିରାଜଙ୍କ ଘାତକ ବୋଲି କାରଣରୁ ସଙ୍କଟରେ ପଡିଛି କେକେଆର । ଦଳ ୪ ଓଭର ଶେଷ ସୁଦ୍ଧା ୧୪/୪ ସଂଗ୍ରହ କରିଛି । ଏହି ମ୍ୟାଚ ପାଇଁ କେକେଆର ଦଳରେ ଦୁଇଟି ପରିବର୍ତ୍ତନ କରିଥିବା ବେଳେ ଆରସିବି ଗୋଟିଏ ପରିବର୍ତ୍ତନ କରିଛି । ଶିବମ ମାଭି ଏବଂ ଆନେ୍ଦ୍ର ରସେଲଙ୍କ ସ୍ଥାନରେ ଦଳ ଟମ ବାଣ୍ଟନ ଏବଂ ପ୍ରସିଦ୍ଧ କ୍ରିଷ୍ଣାଙ୍କୁ ଖେଳାଇଛି । ଅନ୍ୟ ପକ୍ଷରେ ଶାହବାଜ ଅହମ୍ମଦଙ୍କ ସ୍ଥାନରେ ମହମ୍ମଦ ସିରାଜ ପ୍ରତ୍ୟାବର୍ତ୍ତନ କରିଛନ୍ତି ।
