ଶିବସେନାର ପୂର୍ବତନ ପ୍ରଦେଶ ମୁଖ୍ୟ ରମେଶ ସାହୁଙ୍କୁ ଗୁଳି କରି ହତ୍ୟା
ଶିବସେନାର ପୂର୍ବତନ ପ୍ରଦେଶ ମୁଖ୍ୟ ରମେଶ ସାହୁଙ୍କୁ ଗୁଳି କରି ହତ୍ୟା
admin
2239
ମଧ୍ୟପ୍ରଦେଶ : ମଧ୍ୟପ୍ରଦେଶରେ ଶିବସେନାର ପୂର୍ବତନ ପ୍ରଦେଶ ପ୍ରମୁଖ ରମେଶ ସାହୁଙ୍କୁ ଗୁଳି ମାରି ହତ୍ୟା କରାଯାଇଛି । ରମେଶ ସାହୁଙ୍କ ସ୍ତ୍ରୀ ଓ ଝିଅଙ୍କୁ ଅଭିଯୁକ୍ତମାନେ ମଧ୍ୟ ଆକ୍ରମଣ କରିଛନ୍ତି । ଘଟଣା ଘଟାଇବା ପରେ ଅଭିଯୁକ୍ତମାନେ ଘଟଣାସ୍ଥଳରୁ ଫେରାର ରହିଛନ୍ତି । ପୋଲିସ୍ ଅଭିଯୁକ୍ତଙ୍କ ତଲାସୀ କରୁଛି ।
ମିଳିଥିବା ସୂଚନାନୁସାରେ, ଶିବସେନାର ପୂର୍ବତନ ପ୍ରମୁଖ ରମେଶ ସାହୁଙ୍କୁ ଇନ୍ଦୋର ନିକଟସ୍ଥ ଓମରୀ ଖେଡାରେ ଗୁଳି କରି ହତ୍ୟା କରାଯାଇଛି । ରମେଶ ସାହୁ ଓମରୀ ଖେଡାରେ ସାଇ ରାମ ଢାବା ସଂଚାଳିତ କରୁଥିଲେ । ରମେଶ ସାହୁଙ୍କୁ ଅଜ୍ଞାତ ଅପରାଧୀମାନେ ଗୁଳି ମାରି ହତ୍ୟା କରିଛନ୍ତି । ଅପରପକ୍ଷରେ ରମେଶଙ୍କ ବଞ୍ଚାଇବାକୁ ଯାଇ ତାଙ୍କ ସ୍ତ୍ରୀ ଓ ଝିଅ ମଧ୍ୟ ଗୁରୁତର ହୋଇଛନ୍ତି ।
ତେବେ ଘଟଣାସ୍ଥଳରୁ ପଇସା କିମ୍ବା କୌଣସି ଜିନିଷ ଚୋରି ହୋଇନଥିବାର ସୂଚନା ରହିଛି । ଅଭିଯୁକ୍ତମାନେ କେବଳ ହତ୍ୟା କରି ଫେରାର ହୋଇଛନ୍ତି । ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ଶବକୁ ଜବତ କରି ପୋଷ୍ଟମର୍ଟମ୍ ପାଇଁ ପଠାଇଛି ।
