ଶଙ୍କରାଚାର୍ଯ୍ୟଙ୍କ ମତ ଭାରତକୁ ହିନ୍ଦୁ ରାଷ୍ଟ୍ର ଘୋଷଣା କରାଯାଉ
ଶଙ୍କରାଚାର୍ଯ୍ୟଙ୍କ ମତ ଭାରତକୁ ହିନ୍ଦୁ ରାଷ୍ଟ୍ର ଘୋଷଣା କରାଯାଉ
admin
6095
ପୁରୀ : ଭାରତକୁ ଏକ ହିନ୍ଦୁ ରାଷ୍ଟ୍ର ରୂପେ ଘୋଷଣା କରାଯାଉ ବୋଲି ଗୋବର୍ଦ୍ଧନ ପୀଠ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ ଗଣମାଧ୍ୟମ ଜରିଆରେ କେନ୍ଦ୍ର ସରକାରଙ୍କୁ ପରାମର୍ଶ ଦେଇଛନ୍ତି । ସାରା ବିଶ୍ୱରେ ୪୦ ରୁ ଅଧିକ ମୁସଲମାନ ରାଷ୍ଟ୍ର, ଚାରି ରୁ ଅଧିକ ଖ୍ରୀଷ୍ଟିଆନ ରାଷ୍ଟ୍ର ଅଛି ।
ବିଶ୍ୱର ସର୍ବାଧିକ ହିନ୍ଦୁଙ୍କ ମାଟି ଭାରତକୁ ହିନ୍ଦୁ ରାଷ୍ଟ୍ରର ମାନ୍ୟତା ଦେବା ପ୍ରସ୍ତାବକୁ କେନ୍ଦ୍ର ସରକାର କାର୍ଯ୍ୟକାରୀ କରିବା ଉଚିତ ହେବ ବୋଲି ନାଗରିକତା ସଂଶୋଧନ ଆଇନ (ସିଏଏ) ଉପରେ ପ୍ରତିକ୍ରିୟା ସେ ମତ ଦେଇଛନ୍ତି । ସେ କହିଛନ୍ତି ବିଶ୍ୱର ବିଭିନ୍ନ ରାଷ୍ଟ୍ରରେ ହିନ୍ଦୁ ଉତ୍ପୀଡ଼ିତ ହେଉଛନ୍ତି । ଉତ୍ପୀଡ଼ିତ ହିନ୍ଦୁଙ୍କୁ ଭୁଟାନ, ନେପାଳ ଓ ଭାରତରେ ଥଇଥାନ କରାଯାଉ ବୋଲି ସେ କେନ୍ଦ୍ର ସରକାରଙ୍କୁ ପରାମର୍ଶ ଦେଇଛନ୍ତି । ସିଏଏ ଲାଗୁ କରିବା ପୂର୍ବରୁ ଏହା ଉପରେ ରାଷ୍ଟ୍ରାୟତ୍ତସ୍ତରରେ ଆଲୋଚନା ହୋଇଥିଲେ ଭଲ ହୋଇଥାନ୍ତା, ବିବାଦ ଉଠି ନଥାନ୍ତା ବୋଲି ସେ ମତ ଦେଇଛନ୍ତି ।
