ଲଭ ୟୁ ପ୍ରିୟା
ଲଭ ୟୁ ପ୍ରିୟା
admin
2316
ନୂଆ ଓଡ଼ିଆ ଚଳଚ୍ଚିତ୍ର ‘ଲଭ ୟୁ ପ୍ରିୟା’ ର ମ୍ୟୁଜିକ ରିଲିଜ ହୋଇଯାଇଛି । ଓଡ଼ିଆ ଚଳଚ୍ଚିତ୍ରରେ ପ୍ରାୟ ପ୍ରେମ କାହାଣୀକୁ ନେଇ ସିନେମା ତିଆରି ଚାଲିଛି । ଡ୍ରାମା, ଆକ୍ସନ, ଲଭ, ରୋମାନ୍ସ ଏପରିକି ମ୍ୟୁଜିକରେ ବି ୱେଷ୍ଟର୍ଣ୍ଣ କଲଚର ମିଶିଲାଣି । ହେଲେ ପରଦା ଉପରେ ଏମିତି ଚୁମ୍ବନ ଦୃଶ୍ୟ ଦେଖିବାକୁ ମିଳିନଥିଲା । ୨୦୦୪ରେ ମୁକ୍ତିଲାଭ କରିଥିବା ‘ହରି ଭାଇ ହାରେନା’ ଚଳଚ୍ଚିତ୍ରରେ ନାୟକ ସୁନୀଲ ଓ ନାୟିକା ଅନୁ ଚୌଧୁରୀଙ୍କ ମଧ୍ୟରେ କ୍ଲୋଜ ଅପ ଚୁମ୍ବନ ଦୃଶ୍ୟ ଦେଖିବାକୁ ମିଳିଥିଲା । ଦୀର୍ଘ ପନ୍ଦର ବର୍ଷ ପରେ ପୁଣି ସୋହମ ଓ ମହିମାଙ୍କ ମଧ୍ୟରେ ହୋଇଥିବା ସେଭଳି ଚୁମ୍ବନ ଦୃଶ୍ୟ ଦେଖିବାକୁ ମିଳିବ । ‘ମୁଁ ଆଉ କାହା ପାଇଁ ବଞ୍ଚିବି ରାଜୁ’ ପ୍ରେମିକାର ଏଇ ପ୍ରଶ୍ନର ଉତ୍ତରରେ ପ୍ରେମିକ ତତକ୍ଷଣାତ କହୁଛି, ‘ମୋ ପାଇଁ । ବାସ ଏତିକିରେ ଉଭୟଙ୍କ ଭିତରେ ଯେଉଁ ଅନ୍ତରଙ୍ଗତା ବଢ଼ିଯାଉଛି ତାହା ସେମାନଙ୍କୁ ବେଶ ପାଖାପାଖି ଓ ନିବିଡ କରିଦେଉଛି । ପ୍ରେମିକ ଓ ପ୍ରେମିକା ଉଭୟ ପରସ୍ପରକୁ ଆଲିଙ୍ଗନ କରିବା ସହ ଓଠ ସହ ଓଠ ମିଶାଇ ଦେଉଛନ୍ତି । ଉଭୟଙ୍କ ଭିତରେ ଆରମ୍ଭ ହୋଇଥିବା ଏଇ ଚୁମ୍ବନର ଦୃଶ୍ୟ ବେଶ କିଛି ସମୟ ପର୍ଯ୍ୟନ୍ତ ଜାରି ରହିଛି । ପ୍ରେମ ଉପରେ ପର୍ଯ୍ୟବସିତ ଏଇ ଚଳଚ୍ଚିତ୍ରର କାହାଣୀ ଏଭଳି ଗତିଶୀଳ ହେଉଛି ଯେ ହୁଏତ ଏଭଳି ଚୁମ୍ବନ ଦୃଶ୍ୟୃ ଦେଖି କେହି ଦେହକୁ ନେବେ ନାହିଁ । ସିନେମାଟିରେ ଆଉ ଯାହା ମନୋରଞ୍ଜନର ମସଲା ଥାଉ ଏଥିରେ ଥିବା ଏଇ ଚୁମ୍ବନ ଦୃଶ୍ୟ ହିଁ ଦର୍ଶକଙ୍କୁ ଆକୃଷ୍ଟ କରିବ । ଚଳଚ୍ଚିତ୍ର ‘ଲଭ ୟୁ ପ୍ରିୟା’ରେ ଥିବା ଏ ଚୁମ୍ବନ ଦୃଶ୍ୟର ପ୍ରେମୀ ଯୋଡ଼ି ସାଜିଛନ୍ତି ଅଭିନେତା ସୋହମ ଓ ଅଭିନେତ୍ରୀ ମହିମା । ଏମାନଙ୍କ ସହ ଜୀବନ ପଣ୍ଡା, ଭୂପତି ତ୍ରିପାଠୀ, ପ୍ରୀତିରାଜ, ଗୁଡୁ, ପୁଷ୍ପା ପଣ୍ଡା, ମିତା ଚକ୍ରବର୍ତ୍ତୀ, ଜୟସେନ, ରାଜା, ନିକି ଓ ଟୁନା ଟନଟନଙ୍କୁ ଦେଖିବାକୁ ମିଳିବ । କେଏଚବି ଟିଭିର ପ୍ରଥମ ଅବଦାନ ଚଳଚ୍ଚିତ୍ର ‘ଲଭ ୟୁ ପ୍ରିୟା’ର ପ୍ରଯୋଜନା କରିଛନ୍ତି ଜୟସେନ ଓ ନିର୍ଦ୍ଦେଶନା ଦେଇଛନ୍ତି ବିବେକ କୁମାର । ଏଥିରେ ସଂଳାପ ଲେଖିଛନ୍ତି ଆଶୁତୋଷ ବାରିକ ଓ ସଙ୍ଗୀତ ସଜାଇଛନ୍ତି ଅଶେଷ କୁମାର ।
