ରାଜ୍ୟରେ ୩ କୋଟି ୮୦ ଲକ୍ଷ ଟିକା କିଣିବାକୁ ଟେଣ୍ଡର
ରାଜ୍ୟରେ ୩ କୋଟି ୮୦ ଲକ୍ଷ ଟିକା କିଣିବାକୁ ଟେଣ୍ଡର
admin
3663
ଭୁବନେଶ୍ୱର : କରୋନା ସମ୍ପର୍କରେ ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ସାମ୍ବାଦିକ ସମ୍ମିଳନୀରେ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଛନ୍ତି ।
ଶ୍ରୀ ମହାପାତ୍ର କହିଛନ୍ତିଯେ, କରୋନା ଟିକା ପାଇଁ ଗ୍ଲୋବାଲ ଟେଣ୍ଡର ପାଇଁ ରାଜ୍ୟ ସରକାର ନିଷ୍ପତି ନେଇଛନ୍ତି । ଗ୍ଲୋବାଲ ଟେଣ୍ଡର ଆହ୍ୱାନ କରାଯିବା ସହ ଓଡ଼ିଶା ମେଡ଼ିକାଲ କର୍ପୋରେସନ ୱେବସାଇଟରେ ଅପଲୋଡ଼ କରାଯାଇଛି । ରାଜ୍ୟରେ ୩ କୋଟି ୮୦ ଲକ୍ଷ ଟିକା କିଣିବାକୁ ଟେଣ୍ଡର କରାଯାଇଛି । ଏଥିପାଇଁ ୪ ମାସ ସମୟ ଧାର୍ଯ୍ୟ ହୋଇଛି । ଦେଶ ବିଦେଶର ଟିକା ଉପôାଦନକାରୀ ଏଥିରେ ଅଂଶଗ୍ରହଣ କରିବେ । ଖୁବଶୀଘ୍ର ଟିକା କିଣିବାକୁ ରାଜ୍ୟ ସରକାର ଅର୍ଡର ଦେବେ ବୋଲି ରାଜ୍ୟ ସରକାର ଆଶା ପ୍ରକାଶ କରିଛନ୍ତି ।
ସେହିପରି ଡକ୍ଟର ଶ୍ରୀନାଥ ରେଡ୍ଡୀଙ୍କ ଅଧ୍ୟକ୍ଷତାରେ ଏକ ଉଚ୍ଚ ପରାମର୍ଶଦାତା କମିଟି ଗଠନ କରାଯାଇଛି । ଟିକାକରଣ, କରୋନା ସଂକ୍ରମଣ ହ୍ରାସ ନେଇ ସେମାନେ ପରାମର୍ଶ ଦେବେ । ଭବିଷ୍ୟତରେ ଛୋଟ ପିଲାଙ୍କୁ କରୋନା ସଂକ୍ରମିତ ହେବାର ଆଶଙ୍କା ରହିଛି । ସେଥିପାଇଁ ଏବେଠାରୁ ପଦକ୍ଷେପ ଗ୍ରହଣ କରାଯିବ । ଏହି କମିଟିରେ ଡକ୍ଟର ଦେବୀ ସେଠୀ, ରମାକାନ୍ତ ପଣ୍ଡା ଓ ବହୁ ଡାକ୍ତର ସଭ୍ୟ ରହିଛନ୍ତି । ଡିଏମଇଟି ଏହାର ଆବାହକ ରହିଛନ୍ତି । ସେମାନେ ଯେଉଁ ପରାମର୍ଶ ଦେବେ ତଦନୁଯାୟୀ ସରକାର ପଦକ୍ଷେପ ଗ୍ରହଣ କରିବେ ବୋଲି ମୁଖ୍ୟ ସଚିବ କହିଛନ୍ତି ।
