ରାଜ୍ୟରେ ଆଉ ୧୧ ମୁଣ୍ଡ ନେଲା କରୋନା : ମୃତ୍ୟୁ ସଂଖ୍ୟା ୫୦୦ ଡେଇଁଲା
ରାଜ୍ୟରେ ଆଉ ୧୧ ମୁଣ୍ଡ ନେଲା କରୋନା : ମୃତ୍ୟୁ ସଂଖ୍ୟା ୫୦୦ ଡେଇଁଲା
admin
6669
ଭୁବନେଶ୍ୱର : ରାଜ୍ୟରେ ଆଜି ଆଉ ୧୧ ମୁଣ୍ଡ ନେଇଛି କରୋନା । ଏହା ସହ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୫୦୦ ଅତିକ୍ରମ କରିଛି । ମୃତକଙ୍କ ମଧ୍ୟରେ ଖୋର୍ଦ୍ଧା, ମୟୁରଭଞ୍ଜ ଏବଂ ପୁରୀରୁ ୨ ଜଣ ଲେଖାଏଁ ରହିଥିବା ବେଳେ କଟକ, ଗଞ୍ଜାମ, କନ୍ଧମାଳ, ଜଗତସିଂହପୁର ଏବଂ ରାୟଗଡାରୁ ଜଣେ ଲେଖାଏଁ ଆକ୍ରାନ୍ତ ପ୍ରାଣ ହରାଇଛନ୍ତି ।
ରାୟଗଡାର ଜନୈକ ୪୫ ବର୍ଷୀୟ ପୁରୁଷ ପ୍ରାଣ ହରାଇଥିବା ବେଳେ ପୁରୀର ଦୁଇ ମୃତକ ମଧ୍ୟ ପୁରୁଷ ଏବଂ ଉଭୟଙ୍କ ବୟସ ଯଥାକ୍ରମେ ୪୦ ଏବଂ ୮୫ । ମୟୁରଭଞ୍ଜର ଜଣେ ୬୦ ବର୍ଷୀୟ ମହିଳା ଏବଂ ୮୦ ବର୍ଷୀୟ ବୃଦ୍ଧ ପ୍ରାଣ ହରାଇଛନ୍ତି । ଖୋର୍ଦ୍ଧାରେ ଜଣେ ୫୫ ବର୍ଷୀୟ ମହିଳା ଏବଂ ୭୩ ବର୍ଷୀୟ ପୁରୁଷ ପ୍ରାଣ ହରାଇଥିବା ବେଳେ କଟକରେ ଜଣେ ୭୪ ବର୍ଷୀୟା ମହିଳା ପ୍ରାଣ ହରାଇଛନ୍ତି । ଗଞ୍ଜାମର ଜଣେ ୬୦ ବର୍ଷୀୟ ବୃଦ୍ଧ ଏବଂ ଜଗତସିଂହପୁରର ଜଣେ ୩୫ ବର୍ଷୀୟ ବୃଦ୍ଧ କରୋନାରେ ପ୍ରାଣ ହରାଇଛନ୍ତି । ସେହିପରି କନ୍ଧମାଳରୁ ଜନୈକ ୪୦ ବର୍ଷୀୟ ପୁରୁଷ ମଧ୍ୟ କରୋନାରେ ପ୍ରାଣ ହରାଇଛନ୍ତି । ଏହା ସହିତ ରାଜ୍ୟରେ କରୋନା ମୃତ୍ୟୁ ସଂଖ୍ୟା ୫୦୩ରେ ପହଞ୍ଚିଛି ।
