ମା’କୁ ହତ୍ୟା କଲା ନାବାଳକ : କାରଣ ଜାଣିଲେ ହେବେ ଆଶ୍ଚର୍ଯ୍ୟ
ମା’କୁ ହତ୍ୟା କଲା ନାବାଳକ : କାରଣ ଜାଣିଲେ ହେବେ ଆଶ୍ଚର୍ଯ୍ୟ
admin
3158
ନୂଆଦିଲ୍ଳୀ : ଦେଶର ରାଜଧାନୀ ନୂଆଦିଲ୍ଲୀଠାରେ ନାବାଳକ ନିଜ ମା’କୁ ହତ୍ୟା କରିଛି । ମା’ ଛାଡପତ୍ର କାଗଜରେ ଦସ୍ତଖତ ନ କରିବାରୁ ରାଗରେ ନାବାଳକ ଜଣକ ଏପରି କାଣ୍ଡ ଘଟାଇଛି । ତେବେ ପୋଲିସ୍ ଅଭିଯୁକ୍ତ ନାବାଳକକୁ ଗିରଫ କରିଛି । ମିଳିଥିବା ସୂଚନା ଅନୁସାରେ ନାବାଳକର ପିତା ଜଣକ ତାଙ୍କ ମା’ଙ୍କଠାରୁ ଛାଡପତ୍ର ଚାହୁଁଥିଲେ । କିନ୍ତୁ ତାଙ୍କ ମା’ ଏହା ଦେବାକୁ ମନା କରିଥିଲେ । ଏହାକୁନେଇ ନାବାଳକଙ୍କ ସାଙ୍ଗମାନେ ତାଙ୍କର ମଜାକ୍ କରୁଥିଲେ । ଏହି ମଜାକ୍ରେ ନାବାଳାକ ଜଣକ ବ୍ୟତିବ୍ୟସ୍ତ ହୋଇ ନିଜମା’କୁ ନିର୍ମମ ଭାବରେ ହତ୍ୟା କରିଥିଲେ ।
ପୋଲିସ୍ ନାବାଳକକୁ ଗିରଫ କରି ଜୁଭେନାଇଲ୍ କୋର୍ଟରେ ହାଜ କରାଯାଇଛି । ଏଠାରେ ତାଙ୍କୁ ବାଳସୁଧାରଗୃହକୁ ପଠାଯିବ । ନାବାଳକ ଓ ତାଙ୍କ ପରିବାର ଦିଲ୍ଳୀରେ ରହୁଥିଲେ । ପ୍ରାୟ ସାଢ ତିନି ବର୍ଷ ହେବ ନାବାଳକ ମାତା ପିତା ଅଲଗା ଅଲଗା ରହୁଥିଲେ । ଛାଡପତ୍ର ମାମଲା କୋର୍ଟରେ ବିଚାରାଧୀନ ରହିଥିବାବେଳେ ସ୍ତ୍ରୀ ଜଣକ ଛାଡପତ୍ର ଦେବାକୁ ପ୍ରସ୍ତୁତ ନଥିଲେ । ମୃତକ ମହିଳାଙ୍କ ବଡପୁଅ ତାଙ୍କ ସ୍ବାମୀଙ୍କ ସହିତ ରହୁଥିଲେ । ମା’-ବାପାଙ୍କ ମଧ୍ୟରେ ଛାଡପତ୍ର ମାମଲାକୁ ନେଇ ନାବାଳକ ଜଣକ ନିଜ ମା’କୁ ଦୋଷୀ ଭାବୁଥିଲେ । କେବେ କେବେ ଜୀବନରୁ ମାରିଦେବାର ଧମକ ଦେଉଥିଲେ ବୋଲି ଅଭିଯୋଗ କରିଛନ୍ତି ନାବାଳକର ଭଉଣୀ ।
ନଭେମ୍ବର ୩୦ ତାରିଖରେ ନାବାଳକ ଜଣକ ମା’ଙ୍କ ଘରକୁ ଖାଇବା ପାଇଁ ଆସିଥିଲେ । ରାତ୍ରିରେ ସେ ତାଙ୍କୁ ତାଙ୍କ ପିତାଙ୍କ ଘରେ ଛାଡିବା ପାଇଁ ମା’ଙ୍କୁ କହିଥିଲେ । ରାତ୍ରି ୧୨.୪୦ ସମୟରେ ସେ ଦୁହେଁଘରୁ ବାହାରିଥିଲେ । ଏହାପରେ ମହିଳା ଜଣକ ଆଉ ଘରକୁ ଫେରିନଥିଲେ । ଏହାପରେ ମହିଳାଙ୍କ ମୃତଦେହ ମିଳିଥିଲା । ମହିଳାଙ୍କ କନ୍ୟା ତଥା ନାବାଳକଙ୍କ ଭଉଣୀ ମାଙ୍କ ମୃତ୍ୟୁ ଖବର ଜାଣିବା ପରେ ନାବାଳକଙ୍କୁ ଫୋନ୍ କରିଥିଲେ । କିନ୍ତୁ ନାବାଳକର ମୋବାଇଲ ସ୍ବିଚ୍ ଅଫ୍ ଆସିଥିଲା । ଏହାପରେ ପୋଲିସ୍ ଏହି ଘଟଣାର ତଦନ୍ତ କରିବା ପରେ ଘଟଣା ଉପରୁ ପରଦା ହଟାଇଥିଲା ।
