ମହାମେଣ୍ଟ ସହିତ ସରକାର ଗଠନ କରିବେ ନୀତିଶ : ଆରଜେଡି
ମହାମେଣ୍ଟ ସହିତ ସରକାର ଗଠନ କରିବେ ନୀତିଶ : ଆରଜେଡି
admin
4211
ପାଟନା : ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଏନଡିଏ ଛାଡି ଆରଜେଡି ସହିତ ହାତ ମିଶାଇବେ ବୋଲି ଆରଜେଡି ପକ୍ଷରୁ କୁହାଯାଇଛି । ବିହାରରେ ସରକାର ଘଠନ ହୋଇ ମନ୍ତ୍ରୀପଦର ବିଭାଗ ବଣ୍ଟନ ସରିଥିବା ବେଳେ ଆରଜେଡି ପକ୍ଷରୁ ଏପରି କୁହାଯାଇଛି । ଆରଜେଡି ବର୍ତ୍ତମାନ ମଧ୍ୟ ସରକାର ଗଠନ କରିବାର ଆଶା ପୋଷଣ କରୁଛି ।
ନୀତିଶ କୁମାରଙ୍କୁ ଦଳ ପକ୍ଷରୁ ସିଧାସଳଖ ଅଫର ମଧ୍ୟ ପ୍ରଦାନ କରାଯାଇଛି । ଆରଜେଡି ନେତା ଅମରନାଥ ଗାମି ଏହି ଅଫର ଦେବା ସହିତ କହିଛନ୍ତି ନୀତିଶ ବର୍ତ୍ତମାନ ମହାମେଣ୍ଟ ସହିତ ଆସିବା ଉଚିତ । ଏହା ସହିତ ନୀତିଶ କେନ୍ଦ୍ରରେ ତୃତୀୟ ସାମ୍ମୁଖ୍ୟର ଚେହେରା ହେବା ଆବଶ୍ୟକ ବୋଲି ଗାମି କହିଛନ୍ତି । ବତ୍ତମାନ ରାଜ୍ୟରେ ବିଜେପିର ପତିଆରାକୁ ଦେଖି ମନେ ହେଉନାହିଁ କି ଏହି ସରକାର ଅଧିକ ଦିନ ତିଷ୍ଠିବ ।
ନୀତିଶଙ୍କୁ ମିଳିଥିବା ବହୁମତ ତାଙ୍କୁ ଅକଳ ପରସ୍ଥିତିରେ ପକାଇ ଦେଇଛି । ବିଜେପିର ପତିଆରା ପଣରେ ନୀତିଶ ଅଧିକ ଦିନ ସରକାର ଚଳାଇବାରେ ସମର୍ଥ ହେବେ ନାହିଁ । ତେଣୁ ତେଜସ୍ୱୀଙ୍କୁ ମୁଖ୍ୟମନ୍ତ୍ରୀ କରି ନୀତିଶ କେନ୍ଦ୍ରରେ ତୃତୀୟ ସାମ୍ମୁଖ୍ୟର ନେତୃତ୍ୱ ନେବା ଆବଶ୍ୟକ ବୋଲି ଗାମି କହିଛନ୍ତି । ଉଲ୍ଲେଖଯୋଗ୍ୟ ଯେ, ବିହାରରେ ଅରଜେଡି ଏକକ ଶ୍ରେଷ୍ଠ ଦଳ ଭାବରେ ୭୫ ଆସନ ହାସଲ କରିଥିଲେ ହେଁ ମହାମେଣ୍ଟ ମାତ୍ର ୧୧୦ ଆସନ ହାସଲ କରିଥିଲା । ନୀତିଶ କୁମାରଙ୍କ ନେତୃତ୍ୱରେ ଏନଡିଏ ମେଣ୍ଟ ୧୨୫ ଆସନ ସହିତ କ୍ଷମତାରେ ରହିଛି । ଏହା ମଧ୍ୟରୁ ବିଜେପି ସର୍ବାଧିକ ୭୪ ଆସନ ହାସଲ କରିଥିବା ବେଳେ ଜେଡିୟୁ୪୩, ହାମ-୪ ଏବଂ ଭିଅଇପି ୪ ଆସନ ଅକ୍ତିଆର କରିଛି ।
