ଭାରତକୁ ପ୍ରଶଂସା କଲେ ଇଂଲଣ୍ଡର ଏହି ଖେଳାଳି , କାହିଁଁକି ଜାଣନ୍ତୁ
ଭାରତକୁ ପ୍ରଶଂସା କଲେ ଇଂଲଣ୍ଡର ଏହି ଖେଳାଳି , କାହିଁଁକି ଜାଣନ୍ତୁ
admin
5441
ନୂଆଦିଲ୍ଲୀ: ଭାରତରେ ଉତ୍ପାଦିତ କରୋନା ଭାଇରସ ଟିକା ପୂରା ବିଶ୍ୱକୁ ଲାଭ ହେଉଛି । ନିକଟରେ ଭାରତ ସରକାର ଦକ୍ଷିଣ ଆଫ୍ରିକାକୁ ପଠାଇଛନ୍ତି । ଏହି ଦେଶ ସହିତ ଭାରତର ବନ୍ଧୁତ୍ୱ ପୁଣି ଥରେ ପ୍ରମାଣିତ ହୋଇଛି । ଭାରତର ଏହି ପଦକ୍ଷେପକୁ ଇଂଲଣ୍ଡର ପୂର୍ବତନ କ୍ରିକେଟର କେଭିନ ପିଟରସନ ପ୍ରଶଂସା କରିଛନ୍ତି ।
ଦକ୍ଷିଣ ଆଫ୍ରିକାକୁ କୋଭିଡ-୧୯ଟିକା ପଠାଇବା ପରେ କେଭିନ ପିଟରସନ ଟୁଇଟ କରି କହିଛନ୍ତି ଯେ, ଭାରତର ଉଦାରତା ଓ ଦୟାଳୁତାରେ ପ୍ରତ୍ୟେକ ଦିନ ଅଧିକରୁ ଅଧିକ ଲାଭ ମିଳିପାରୁଛି । ସୂଚନାଯୋଗ୍ୟ, ପିଟରସନ ଦକ୍ଷିଣ ଆଫ୍ରିକାରେ ଜନ୍ମ ହୋଇଥିଲେ ଏବଂ ପରେ ଇଂଲଣ୍ଡରେ ବସବାସ କରିଥିଲେ । କେଭିନ ପିଟରସନଙ୍କ ଟୁଇଟର ଜବାବ ଦେଇ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ଭାରତ ପ୍ରତି ଆପଣଙ୍କ ଭଲ ପାଇବା ଦେଖି ବହୁତ ଖୁସି ଲାଗୁଛି । ଆମେ ଭାବୁ ଯେ, ବିଶ୍ୱ ଆମର ପରିବାର ଏବଂ ଆମେ କରୋନା ଭାଇରସ ମହାମାରୀ ବିରୋଧରେ ଲଢ଼େଇ ଜାରି ରଖିବାକୁ ଚାହୁଁଛୁ ।
