ଭାଙ୍ଗିଲା ବେସରକାରୀ ଅନୁଦାନପ୍ରାପ୍ତ ଯୁକ୍ତ ୨ କଲେଜର ପରିଚାଳନା କମିଟି
ଭାଙ୍ଗିଲା ବେସରକାରୀ ଅନୁଦାନପ୍ରାପ୍ତ ଯୁକ୍ତ ୨ କଲେଜର ପରିଚାଳନା କମିଟି
admin
5377
ଭୁବନେଶ୍ୱର: ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଧୀନ ସମସ୍ତ ବେସରକାରୀ ଅନୁଦାନ ପ୍ରାପ୍ତ ଉଚ୍ଚ ମାଧ୍ୟମିକ ବିଦ୍ୟାଳୟ (ଯୁକ୍ତ ୨ କଲେଜ)ର ଗଭର୍ଣ୍ଣିଂ ବଡ଼ି ତଥା ପରିଚାଳନା କମିଟିକୁ ଭାଙ୍ଗି ଦିଆଯାଇଛି । ଓଡ଼ିଶା ଶିକ୍ଷା ଆଇନ ୧୯୬୯ ର ସେକ୍ସନ-୭ ଓ ସବ ସେକ୍ସନ ୬ ଅନୁଯାୟୀ ଗଭର୍ଣ୍ଣିଂ ବଡ଼ି ତଥା ପରିଚାଳନା କମିଟିକୁ ପୁନର୍ଗଠନ କରିବାକୁ ନିଷ୍ପତ୍ତି ହୋଇଛି । ତେବେ ଯେଉଁ ବିଦ୍ୟାଳୟ ଗୁଡ଼ିକରେ ଜିଲ୍ଲାର ସବ କଲେକ୍ଟର / ଅତିରିକ୍ତ ଜିଲ୍ଲାପାଳ ଗଭର୍ଣ୍ଣିଂ ବଡିର ସଭାପତି ଭାବେ ମନୋନୀତ ହୋଇଛନ୍ତି ତାହାକୁ ଭଙ୍ଗା ଯାଇନାହିଁ । ପରବର୍ତ୍ତୀ ନିଦେ୍ର୍ଧଶନାମା ଜାରି ହେବା ପର୍ଯ୍ୟନ୍ତ ଜିଲ୍ଲା ମୁଖ୍ୟାଳୟରେ ଥିବା ବେସରକାରୀ ଅନୁଦାନ ପ୍ରାପ୍ତ ଉଚ୍ଚ ମାଧ୍ୟମିକ ବିଦ୍ୟାଳୟର ଗଭର୍ଣ୍ଣିଂ ବଡି ତଥା ପରିଚାଳନା କମିଟିର ସଭାପତି ଭାବେ ଅତିରିକ୍ତ ଜିଲ୍ଲାପାଳ କାର୍ଯ୍ୟ କରିବେ । ଯେଉଁ ଜିଲ୍ଲାରେ ଏକାଧିକ ଅତିରିକ୍ତ ଜିଲ୍ଲାପାଳ ରହିଛନ୍ତି ସେ କ୍ଷେତ୍ରରେ ଜିଲ୍ଲାପାଳ ଜଣକୁ ମନୋନୀତ କରିବେ । ଜିଲ୍ଲା ମୁଖ୍ୟାଳୟ ବାହାରେ ଥିବା ବିଦ୍ୟାଳୟ ଗୁଡ଼ିକରେ ସବ କଲେକ୍ଟର ଗଭର୍ଣ୍ଣିଂ ବଡ଼ି ତଥା ପରିଚାଳନା କମିଟିର ସଭାପତି ଭାବେ ରହିବେ ।
