ଭଡ଼ା ଘରେ ପ୍ରେମିକାକୁ ହତ୍ୟା କରି ଖଟ ତଳେ ଲୁଚାଇ ରଖିଥିଲା ପ୍ରେମିକ ହାର୍ଦ୍ଧିକ ଶାହା

Feb 16, 2023 - 06:30 Updated: Feb 16, 2023 - 06:30

4422

ମୁମ୍ବାଇ : ମହାରାଷ୍ଟ୍ରର ନାଲାସୋପାରା ଅଂଚଳରେ ଥିବା ଏକ ଭଡ଼ା ଘରେ ପ୍ରେମିକାକୁ ହତ୍ୟା କରି ଖଟ ତଳେ ଲୁଚାଇ ରଖିଥିଲା ପ୍ରେମିକ ହାର୍ଦ୍ଧିକ ଶାହା (୩୦) । ପୋଲିସ ତାକୁ ମଧ୍ୟପ୍ରଦେଶର ନାଗଡ଼ା ପୋଲିସ ଷ୍ଟେସନରୁ ଗିରଫ କରିଛି । ମିଳିଥିବା ସୂଚନାନୁଯାୟୀ ହାର୍ଦ୍ଧିକ ଓ ମେଘା ଟୋର୍ଭି (୪୦) ୨୦ ଦିନ ତଳେ ବିବାହ ନ କରି ନିଜକୁ ପତି-ପତ୍ନୀର ପରିଚୟ ଦେଇ ଏକ ଭଡ଼ାଘରେ ରହି ଆସୁଥିଲେ ।

କର୍ଣ୍ଣାଟକରେ ରହୁଥିବା ମେଘାଙ୍କ ସମ୍ପର୍କୀୟ ଭଡ଼ାଘର ଯୋଗାଡ଼ କରିଥିବା ସଞ୍ଜୀବ ଠାକୁରଙ୍କୁ ହାର୍ଦ୍ଧିକ କିପରି ମେଘାକୁ ମାରି,ନିଜେ ଆତ୍ମହତ୍ୟା କରିବାକୁ ଯାଉଥିବା କଥା ଜଣାଇଥିଲେ । କାରଣ ହାର୍ଦ୍ଧିକ ତାଙ୍କୁ ଫୋନ କରି କହିଥିଲା । ଏସବୁ କଥା ଶୁଣି ସଞ୍ଜୀବ ଭଡ଼ାଘରେ ପହଂଚିଥିଲେ । ଭିତର ପଟୁ କବାଟ ବନ୍ଦ ଥିବା ଦେଖି ହାର୍ଦ୍ଧିକକୁ ଫୋନ କରିଥିଲେ ମଧ୍ୟ ଯୋଗାଯୋଗ ହୋଇପାରିନଥିଲା । ସଞ୍ଜୀବ ପୋଲିସକୁ ଜଣାଇବା ପରେ ପୋଲିସ ଆସି କବାଟ ଭାଙ୍ଗି ଖୋଜାଖୋଜି କଲା ପରେ ଖଟ ତଳୁ ମୃତ ଦେହ ମିଳିଥିଲା । ହାର୍ଦ୍ଧିକ ପଶ୍ଚିମ ଏକ୍ସପ୍ରେସ୍ ଟ୍ରେନ ଯୋଗେ ଯାତ୍ରା କରୁଥିବା ସମୟରେ ପୋଲିସ ତାକୁ ନାଗଡ଼ା ରେଳଷ୍ଟେସନରୁ ଗିରଫ କରିଛି ।