ବିଶୃଙ୍ଖଳିତ ପାଇଁ ନିଳମ୍ବିତ ହେଲେ ଥାନା ଆଇଆଇସି
ବିଶୃଙ୍ଖଳିତ ପାଇଁ ନିଳମ୍ବିତ ହେଲେ ଥାନା ଆଇଆଇସି
admin
4982
ଅନୁଗୁଳ - ପୁଣି ଜଣେ ପୁଲିସ ଅଧିକାରୀଙ୍କୁ ସସପେଣ୍ଡ କରାଯାଇଛି । ସେ ହେଉଛନ୍ତି ଅନୁଗୁଳ ଥାନା ଏସଆଇ ଅରକ୍ଷିତ ସେଠୀ । ଅପରାଧୀଙ୍କ ବିରୋଧରେ ତଥ୍ୟ ସଂଗ୍ରହରେ ଅବହେଳା ପାଇଁ ତାଙ୍କୁ ସସପେଣ୍ଡ କରାଯାଇଛି । ଏସଆଇ ଅରକ୍ଷିତଙ୍କୁ ସସପେଣ୍ଡ କରାଯାଇଥିବା ସମ୍ପର୍କରେ ଏସପି ସୂଚନା ଦେଇଛନ୍ତି ।
ମିଳିଥିବା ସୂଚନା ଅନୁଯାୟୀ, ଗତ ୨୮ ତାରିଖ ଦିନ ଅନୁଗୁଳ ଆଦର୍ଶ ଥାନାର ଏସ୍ ଆଇ ଅରକ୍ଷିତ ସେଠୀ ବାପି ପ୍ରଧାନ ନାମକ ଜଣେ ଯୁବକଙ୍କୁ ତାଙ୍କର ଅନୁଗୁଳ ସହରର ଲିଙ୍ଗରାଜଯୋଡ଼ିରୁ ଗିରଫ କରିଥିଲେ। ବାପି ପ୍ରଧାନଙ୍କଠାରୁ ବେଆଇନ୍ ୩ଟି ପିସ୍ତଲ, ୯ଟା ଗୁଳି ଓ ଗୋଟିଏ ଖାଲି ମାଗାଜିନ୍ ଜବତ କରିଥିଲା ପୁଲିସ୍। ଏହାପରେ ପୁଲିସ୍ ଏସ୍ ଆଇ ଅରକ୍ଷିତ ସେଠୀ ବାପିଙ୍କ ବିରୁଦ୍ଧରେ କୋହଳ ଦଫା (୨୫(୧ ବି) ଲଗାଇଲେ, ଯାହା ଫଳରେ ସେ ସହଜରେ ନ୍ୟାୟାଳୟରୁ ଜାମିନ୍ ପାଇଥିଲେ। ଗତକାଲି ପୁଲସ୍ ମହାନିର୍ଦେଶକ ଅଭୟ ଅନୁଗୁଳ ଗସ୍ତ ଅବସରରେ ଏହି ଘଟଣାକୁ ନେଇ ଅସନ୍ତୋଷ ପ୍ରକାଶ କରିଥିଲେ। ଏହାପରେ ପୁଲିସ୍ ମହାନିର୍ଦେଶକଙ୍କ ନିର୍ଦେଶକ୍ରମେ ଆଜି ପୁଲିସ୍ ଏସ୍ ଆଇ ଅରକ୍ଷିତ ସେଠୀଙ୍କୁ ଅନୁଗୁଳ ଆରକ୍ଷୀ ଅଧୀକ୍ଷକ ଜଗମୋହନ ମୀନା ନିଲମ୍ବିତ କରିଛନ୍ତି। ପ୍ରକାଶ ଯେ, ଆଜି ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଆଇଆଇସି ପ୍ରମୋଦ କୁମାର ଲେଙ୍କାଙ୍କୁ ମଧ୍ୟ ସସପେଣ୍ଡ କରାଯାଇଛି । ଅନିୟମିତତା ଓ ବିଶୃଙ୍ଖଳିତ ଆଚରଣ ପାଇଁ ତାଙ୍କୁ ସସପେଣ୍ଡ କରାଯାଇଛି । ପୁଲିସ ଡିଜି ଅଭୟ ତାଙ୍କୁ ଉପରୋକ୍ତ କାରଣ ପାଇଁ ସସପେଣ୍ଡ କରିଛନ୍ତି ।
