ବିଭିନ୍ନ ଜିଲ୍ଲାରେ ବର୍ଷା
ବିଭିନ୍ନ ଜିଲ୍ଲାରେ ବର୍ଷା
admin
5899
ଭୁବନେଶ୍ୱର: ବାତ୍ୟା ଫୋନି ପ୍ରଭାବରେ ବିଭିନ୍ନ ଜିଲ୍ଲାରେ ବର୍ଷା, ପବନ ଆରମ୍ଭ ହେଲାଣି । ଗଜପତି, କେନ୍ଦ୍ରାପଡା, ଜଗତସିଂହପୁର ଜିଲ୍ଲାରେ ବର୍ଷା ଆରମ୍ଭ ହେଲାଣି । ଭୁବନେଶ୍ୱର ସହରରେ ବି କିଛି କିଛି ସ୍ଥାନରେ ଆରମ୍ଭ ହେଇଗଲାଣି ବର୍ଷା । ଧିରେ ଧିରେ ବର୍ଷା ଓ ପବନର ବେଗ ବୃଦ୍ଧି ପାଇବ ବୋଲି ପାଣି ପାଗ ପକ୍ଷରୁ ସୂଚନା ମିଳିଛି ।
ଆସନ୍ତାକାଲି ପବନ ବହିବା ସହ ଲଗାତର ବର୍ଷା ଲାଗି ରହିବ । ଏବେ ୧୫ କିମି ବେଗରେ ସ୍ଥଳଭାଗ ଆଡ଼କୁ ଅଗ୍ରସର ହେଉଛି ବାତ୍ୟା ଫନି । ଆସନ୍ତାକାଲି ଅପରାହ୍ନରେ ପୁରୀ ନିକଟରେ ପହଁଚିବ ଫନି । ଏହାର ପ୍ରଭାବରେ ୧୫୦ରୁ ୧୮୦ କିମି ବେଗରେ ପବନ ବହିବାର ଆଶଙ୍କା ରହିଛି । ତେବେ ୪ ତାରିଖ ସକାଳ ବେଳକୁ ଫନିର ପ୍ରଭାବ ଆଉ ଓଡ଼ିଶା ଉପରେ ସେତେଟା ପରିଲକ୍ଷିତ ହେବନାହିଁ ବୋଲି ଭାରତୀୟ ପାଣିପାଗ ପକ୍ଷରୁ ପୂର୍ବାନୁମାନ କରାଯାଇଛି । ବିଶେଷକରି ପୁରୀ, ଜଗତସିଂହପୁର ଓ ଖୋର୍ଦ୍ଧା ଜିଲ୍ଲାରେ ବିଶେଷ ପ୍ରଭାବ ପରିଲକ୍ଷିତ ହେବ ।
