ବିବାହ ପ୍ରତିଶ୍ରୁତି ପରେ ପୁଲିସ ବାବୁଙ୍କ ପ୍ରତାରଣା
ବିବାହ ପ୍ରତିଶ୍ରୁତି ପରେ ପୁଲିସ ବାବୁଙ୍କ ପ୍ରତାରଣା
admin
5458
ଭୁବନେଶ୍ୱର: ବିବାହ ପ୍ରତିଶ୍ରୁତି ଦେଇ ଜଣେ ଯୁବତୀଙ୍କୁ ପ୍ରତାରଣା କରିଛନ୍ତି ଜଣେ ପୁଲିସ ଅଧିକାରୀ । ବାରମ୍ବାର ଶାରୀରିକ ସମ୍ପର୍କ ରଖିବା ସହ ବନ୍ଧୁକ ମୁନରେ ଭୟଭୀତ କରି ଗର୍ଭପାତ କରାଇଛନ୍ତି । ଗାଡ଼ି ଦେବା ପାଇଁ ୫ ଲକ୍ଷ ଟଙ୍କା ନେଇ ମଧ୍ୟ ଗାଡ଼ି ଦେଇ ନଥିବା ଅଭିଯୋଗ ହୋଇଛି । ଗାଡ଼ି ବେପାରକୁ ନେଇ ଏକ ଦଲାଲ ସହ ହୋଇଥିବା ଟେଲିଫୋନ କଥାବାର୍ତ୍ତାର ଭଏସ କଲ ରେକର୍ଡ ସୋସିଆଲ ମିଡିଆରେ ଘୂରି ବୁଲୁଛି । ଯୁବତୀ ଜଣକ ଏ ନେଇ ମହିଳା ଥାନାରେ ଅଭିଯୋଗ କରିଥିବା କହିଛନ୍ତି । କିନ୍ତୁ ଏ ନେଇ ଅଭିଯୋଗ ହୋଇ ନଥିବା ମହିଳା ଥାନା ଇନସ୍ପେକ୍ଟର କହିଛନ୍ତି ।
ପ୍ରକାଶ ଥାଉକି ଗତ ମାର୍ଚ୍ଚ ମାସରେ ଅଭିଯୁକ୍ତ ଅଧିକାରୀ ଓ ଯୁବତୀଙ୍କ ମଧ୍ୟରେ ବିବାଦ ହୋଇଥିଲା । ବିବାଦ ହେବାରୁ ଅଭିଯୋଗକାରିଣୀ ମହିଳା ଥାନାର ଦ୍ୱାରସ୍ଥ ହୋଇଥିଲେ । ସେଠାରେ ଉଭୟ ପକ୍ଷ ମଧ୍ୟରେ ଆପୋସ ବୁଝାମଣା ହୋଇଥିଲା । ୧୫ ଦିନ ଭିତରେ ବିବାହ ହେବ ବୋଲି ନିଷ୍ପତ୍ତିହୋଇଥିଲା । ବିବାହ ପରେ ସେମାନେ ଆସି ମହିଳା ଥାନାରେ ଦେଖା କରିବେ ବୋଲି ସର୍ତ୍ତ ରହିଥିଲା । ଏବେ ଏହି ବୁଝାମଣାକୁ ସମ୍ପୃକ୍ତ ଅଭିଯୁକ୍ତ ଅଧିକାରୀ ବେଖାତିର କରି ଧୋକା ଦେଇଥିବା ପୀଡ଼ିତା ଅଭିଯୋଗ କରିଛନ୍ତି ।
