ବାଳୁକା କଳା ପ୍ରଦର୍ଶନୀ ଉଦ୍ଯାପିତ
ବାଳୁକା କଳା ପ୍ରଦର୍ଶନୀ ଉଦ୍ଯାପିତ
admin
1789
ତୁଷୁରା/ଗୁଡଭେଲା- ୫୩ତମ ମକରମେଳା ତେନ୍ତୁଳିଖୁଣ୍ଟି ଅବସରରେ ପେନ୍ଦିମୁଣ୍ଡା ଗ୍ରାମ ସ୍ଥିତ ତେଲ ଓ ରାହୁଲ ନଦୀର ସଂଗମ ସ୍ଥଳରେ ଗତ ୧୩ ତାରିଖରୁ ପ୍ରଦର୍ଶିତ ହୋଇ ଆସୁଥିବା ବାଲୁକା କଳା ପ୍ରଦର୍ଶନୀ ୧୯ ତାରିଖ ଅପରାହ୍ନରେ ଉଦ୍ଯାପିତ ହୋଇଯାଇଛି। ଗୁଡଭେଲା ବ୍ଲକ୍ ପୂର୍ବ ଅଧ୍ୟକ୍ଷ ଶ୍ରୀ ରମେଶ ଚନ୍ଦ୍ର ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ଉଦ୍ଯାପନୀ ସଭାରେ ବିଶିଷ୍ଟ ସାହିତ୍ୟିକ ଶ୍ରୀ ତୁଳସୀରାମ ଜୈନ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ସମ୍ମାନୀତ ଅତିଥି ଭାବରେ ବିଶିଷ୍ଟ ଚିତ୍ରଶିଳ୍ପୀ ତଥା ବେହେଲା ବାଦକ ଶ୍ରୀ ଦିଲୀପ ସିଂଦେଓ, ବାଲୁକା ଶିଳ୍ପୀ ଓମ୍ ପ୍ରକାଶ ସାହୁ, ଯୋଗଦେଇଥିଲେ। କାର୍ଯ୍ୟକ୍ରମକୁ ଆଶୁକବି ହେମନ୍ତ କୁମାର ଦାଶ ସଂଯୋଜନା କରିଥିବା ବେଳେ ଅଧ୍ୟାପକ କୃଷ୍ଣଚନ୍ଦ୍ର ବେହେରା ଧନ୍ୟବାଦ ଅର୍ପଣ କରିଥିଲେ। ହୃଷିକେଶ ବୁଡେକ,ନିରୋଜ ରଣା, ବିଭୁଦତ୍ତ ପାଣିଗ୍ରାହୀ ପ୍ରମୁଖ ସହଯୋଗ କରିଥିଲେ। ଶେଷରେ ଶ୍ରୀ ସିଂଦେଓ ଓ ସହଯୋଗୀ ସାଂସ୍କୃତିକ କାର୍ଯ୍ୟକ୍ରମ ପରିବେଶଣ କରିଥିଲେ।
