ବଲିଉଡ୍ ଅଭିନେତ୍ରୀଙ୍କୁ ପ୍ରପୋଜ୍ କଲେ ବ୍ରାଭୋ

Dec 13, 2019 - 09:37 Updated: Dec 13, 2019 - 09:37

1970

ମୁମ୍ବାଇ: ୱେଷ୍ଟଇଣ୍ଡିଜ୍ କ୍ରିକେଟର୍ ଡ୍ୱେନ୍ ବ୍ରାଭୋ ଜଣେ ବଲିଉଡ୍ ଅଭିନେତ୍ରୀଙ୍କୁ ପ୍ରପୋଜ୍ କରି ଚର୍ଚ୍ଚାକୁ ଆସିଛନ୍ତି । ବ୍ରାଭୋ ଏବେ ତାଙ୍କ ନୂଆ ଗୀତ "ଦ ଚାମିୟା ସଙ୍ଗ୍' ଉନ୍ମୋଚନ କରିବା ପାଇଁ ଭାରତରେ ଅଛନ୍ତି । ଏହି ଗୀତରେ ତାଙ୍କ ସହ ଡ୍ୟାନ୍ସର୍ ଶକ୍ତି ମୋହନ ମଧ୍ୟ ନଜରରେ ଆସିବେ । ଏହି ଗୀତ ବ୍ୟତୀତ ଇନ୍ଷ୍ଟାଗ୍ରାମରେ ଛାଡ଼ିଥିବା ଆଉ ଏକ ଭିଡିଓ ପାଇଁ ସେ ବେଶି ଚର୍ଚ୍ଚା ସାଉଁଟିଛନ୍ତି । ଏଥିରେ ସେ ବଲିଉଡ୍ ଅଭିନେତ୍ରୀ ରାଧିକା ବାଙ୍ଗିଆଙ୍କ ସହ କଥା ହୋଇ ହିନ୍ଦୀରେ ତାଙ୍କ ପ୍ରଶ୍ନର ଉତ୍ତର ମଧ୍ୟ ଦେଉଛନ୍ତି । ବ୍ରାଭୋ ଏହି ଭିଡିଓର ଶିରୋନାମା "ହ୍ୱେନ୍ ଏ କ୍ରିକେଟର୍ ପ୍ରପୋଜ୍ ୟୁ' ଦେଇଛନ୍ତି । ଏହି ଭିଡିଓରେ ବ୍ରାଭୋ ପ୍ରଥମେ ରାଧିକାଙ୍କୁ ପଚାରୁଛନ୍ତି କି, କଣ ତୁମେ ମୋତେ ବାହା ହେବ । ରାଧିକା ଏକଥା ଶୁଣି ଚମକି ଉଠିବା ସହ କହିଛନ୍ତି, ସବୁ ଠିକ୍ ଯେ, ଆମେ ବାହା କେଉଁଠି ହେବା । ଷ୍ଟାଡିୟମରେ ବାହା ହେବା, ଚିୟର ଲିଡରମାନେ ଡ୍ୟାନ୍ସ କରିବେ ଏବଂ ଆଇପିଏଲର ଉଦ୍ଘାଟନୀ ଉତ୍ସବ ଭଳି ଆମ ବିବାହ ଉତ୍ସବ ବି ବଡ଼ ଆକାରରେ ହେବ । ରାଧିକା ବାଙ୍ଗିଆ ବଲିଉଡରେ କୈସି ହେ ୟାରିୟା (୨୦୧୪), ଇରାଦା (୨୦୧୭) ଓ ୱିକେଣ୍ଡସ୍ (୨୦୧୮) ଚଳଚ୍ଚିତ୍ରରେ ଅଭିନୟ କରିଛନ୍ତି ।