ପ୍ରଦୂଷଣ ଯୋଗୁଁ ଲାଲ ହେଲା ନଦୀ
ପ୍ରଦୂଷଣ ଯୋଗୁଁ ଲାଲ ହେଲା ନଦୀ
admin
6462
ମସ୍କୋ : ଋଷର ଏକ ନଦୀକୁ ପ୍ରଦୂଷଣ ଏଭଳି ଭାବେ କବଳିତ କରିଛି ଯେ ନଦୀ ଜଳ ଆଶ୍ଚର୍ୟ୍ୟଜନକ ଭାବେ ଲାଲ ରଙ୍ଗରେ ରୂପାନ୍ତରିତ ହୋଇଚି । ସ୍ଥାନୀୟ ବାସିନ୍ଦା କହୁଛନ୍ତି, ନଦୀର ଜଳ ପ୍ରାକୃତିକ ରୂପେ ବିଷାକ୍ତ ହୋଇଯାଇଛି । ବତକ ଭଳି ପକ୍ଷୀ ଏହି ନଦୀରେ ପହଁରିବାକୁ ମଧ୍ୟ ମଙ୍ଗୁନାହାନ୍ତି । ନଦୀର ଫଟୋ ସୋସିଆଲ ମିଡିଆରେ ସେୟାର ହେବା ପରେ ପରେ ଭାଇରାଲ ହେଉଛି । ଏକ ନିର୍ଦ୍ଧିଷ୍ଟ ପ୍ରଦୂଷକ ସ୍ଥାନୀୟ ଇସକିତିମା ନଦୀ ଜଳ ସଂସ୍ପର୍ଶରେ ଆସିବା ଦ୍ୱାରା ଏହାର ରଙ୍ଗ ନୀଳରୁ ହଠାତ ବିଟ ଭଳି ଲାଲ ରଙ୍ଗରେ ରୂପାନ୍ତରିତ ହୋଇଛି । ଏହି ସ୍ଥିତି ପାଇଁ ଦାୟୀ ରସାୟନ ବିଷୟରେ ଜାଣିବାକୁ ଅଧିକାରୀମାନେ ଚେଷ୍ଟା ଚଳାଇଛନ୍ତି । ସ୍ଥାନୀୟ ଅଞ୍ଚଳ ବାସିନ୍ଦା ଏହି ନଦୀକୁ ‘କ୍ରାନବେରି ଜେଲି’ ନାମରେ ସମ୍ବୋଧିତ କରିଛନ୍ତି । ଏହା ପୂର୍ବରୁ ରସାୟନ ନିର୍ଗମନ କାରଣରୁ ପଶ୍ଚିମ ଋତରେ ପ୍ରବାହିତ ନାରୋ ଫୋମିନସ୍କ ନଦୀଳ ଜଳ ଲାଲ ରଙ୍ଗ ପାଲଟିଥିଲା ।
