ପ୍ରଥମ ଖେଳାଳି ଭାବରେ ୨୦୦ ଆଇପିଏଲ ମ୍ୟାଚ ଖେଳିବେ ଧୋନୀ
ପ୍ରଥମ ଖେଳାଳି ଭାବରେ ୨୦୦ ଆଇପିଏଲ ମ୍ୟାଚ ଖେଳିବେ ଧୋନୀ
admin
3893
ଦୁବାଇ : ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ଆଉ ଏକ ରେକର୍ଡ ନିଜ ନାମରେ କରିବାକୁ ଯାଉଛନ୍ତି । ପ୍ରଥମ ଖେଳାଳି ଭାବରେ ଆଇପିଏଲରେ ୨୦୦ ମ୍ୟାଚ ଖେଳିବାକୁ ଯାଉଛନ୍ତି ଧୋନୀ । ଆଜି ରାଜସ୍ଥାନ ରୟାଲ୍ସ ବିପକ୍ଷ ମୁକାବଗମିଲାରେ ଧୋନୀ ଏହି ମାଇଲଖୁଣ୍ଟ ହାସଲ କରିବେ । ଏହା ପୂର୍ବରୁ ଧୋନୀ ସମସ୍ତ ସିଜିନ ଚେନ୍ନାଇ ପାଇଁ ଖେଳିଥିବା ବେଳେ କେବଳ ଦୁଇ ସିଜିନ ଆପିଏସ ପାଇଁ ଖେଳିଥିଲେ । ଆଇପିଏଲର ଅନ୍ୟତମ ସଫଳ ଅଧିନାୟକ ଧୋନୀ ଚେନ୍ନାଇକୁ ପ୍ରତି ସିଜିନରେ ପ୍ଲେଅଫକୁ ନେଇଥିବା ବେଳେ ଅଧିନାୟକ ଭାବରେ ୧୬୯ ମ୍ୟାଚରୁ ୧୦୨ ମ୍ୟାଚରେ ବିଜୟୀ ହୋଇଛନ୍ତି । ଧୋନୀ ଆଇପିଏଲର ୪୫୬୮ ରନ ସଂଗ୍ରହ କରିଥିବା ବେଳେ ସିଏସକେ ପକ୍ଷରୁ ୩୯୯୪ରନ ସଂଗ୍ରହ କରିଛନ୍ତି । ଧୋନୀଙ୍କ ନେତୃତ୍ୱରେ ସିଏସକେ ତିନିଥର ଆଇପିଏଲ ଟ୍ରଫି ହାସଲ କରିଛି ।
ଧୋନୀଙ୍କ ବ୍ୟତିତ ଏକାଧିକ ଖେଳାଳି ୨୦୦ ମ୍ୟାଚ ଖେଳିବାର ନିକଟତର ହୋଇଛନ୍ତି । ରୋହିତ ଶର୍ମା ୧୯୭ ମ୍ୟାଚ ସହିତ ଦ୍ୱିତୀୟ ସ୍ଥାନରେ ରହିଥିବା ବେଳେ ଦୀନେଶ କାର୍ତ୍ତିକ ୧୯୧ଟି ମ୍ୟାଚ ଖେଳିଛନ୍ତି । ଚଳିତ ଆଇପିଏଲ ପୂର୍ବରୁ ସୁରେଶ ରାଇନା ୧୯୩ ମ୍ୟାଚ ସହିତ ସବୁଠାରୁ ଅଧିକ ମ୍ୟାଚ ଖେଳିଥିବା ଖେଳାଳି ରହିଥିଲେ । ତେବେ ବ୍ୟକ୍ତିଗତ କାରଣରୁ ରାଇନା ଓହରିଯିବା କାରଣରୁ ଧୋନୀ ଏହି ରେକର୍ଡବୁକରେ ନିଜ ନାମ ସାମିଲ କରିଛନ୍ତି ।
