ପାକିସ୍ତାନ ପ୍ରଧାନମନ୍ତ୍ରୀଙ୍କ ହାସ୍ୟାସ୍ପଦ ପ୍ରସ୍ତାବ, ଭାରତକୁ କରିବ ସହାୟତା ।
ପାକିସ୍ତାନ ପ୍ରଧାନମନ୍ତ୍ରୀଙ୍କ ହାସ୍ୟାସ୍ପଦ ପ୍ରସ୍ତାବ, ଭାରତକୁ କରିବ ସହାୟତା ।
admin
2566
ନୂଆଦିଲ୍ଲୀ: ଭାରତରେ ଲକଡାଉନ ଯୋଗୁଁ ଦାରିଦ୍ର୍ୟ ବଢ଼ିଯାଇଛି ବୋଲି ଦାବି କରି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏକ ହାସ୍ୟାସ୍ପଦ ପ୍ରସ୍ତାବ ଦେଇଛନ୍ତି । ଇମ୍ରାନଙ୍କ କହିବାନୁସାରେ ଭାରତରେ ପ୍ରାୟ ୩୪ ପ୍ରତିଶତ ଗରିବ ପରିବାର ସପ୍ତାହକ ପରେ ବିନା ସହଯୋଗରେ ତିଷ୍ଠି ପାରିବେ ନାହିଁ । ସେଥିପାଇଁ ପାକିସ୍ତାନ ଏହାର କ୍ୟାସ ଟ୍ରାନ୍ସଫର କାର୍ଯ୍ୟକ୍ରମ ଅଧୀନରେ ଭାରତକୁ ସହଯୋଗ କରିବାକୁ ଚାହୁଁଛି ବୋଲି ଇମ୍ରାନ କହିଛନ୍ତି । ପାକିସ୍ତାନର ଶୋଚନୀୟ ଆର୍ଥିକ ସ୍ଥିତି ଏବଂ କରୋନା ମୁକାବିଲା କ୍ଷେତ୍ରରେ ଦୟନୀୟ ବିଫଳତା ଭିତରେ ଇମ୍ରାନଙ୍କ ଏଭଳି ପ୍ରସ୍ତାବ ଏବେ ଚର୍ଚ୍ଚାରେ ରହିଛି । ଇମ୍ରାନଙ୍କୁ କଡ଼ା ଜବାବ ଦେଇ ବିଦେଶ ମନ୍ତ୍ରାଳୟ ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଭାରତ ଯେଉଁ ରିଲିଫ ପ୍ୟାକେଜ ଘୋଷଣା କରିଛି ତାହା ପାକିସ୍ତାନର ଜିଡିପିଠାରୁ ମଧ୍ୟ ଅଧିକ । ପ୍ରବଳ ଋଣ ଜାଲରେ ବୁଡ଼ି ରହିଥିବା ପାକିସ୍ତାନରେ ଏବେ ଅତି ଜଟିଳ ସ୍ଥିତି ଉପୁଜିଛି । ପାକିସ୍ତାନର ଋଣ ସମସ୍ୟା ଏହାର ଜିଡିପିର ୯୦ ପ୍ରତିଶତ ବୋଲି ଇମ୍ରାନ ଭୁଲି ଯାଇଛନ୍ତି । ତେଣୁ ପାକିସ୍ତାନ ନିଜେ ସମସ୍ୟାରୁ ମୁକୁଳିବା ଉଚିତ ବୋଲି ଶ୍ରୀବାସ୍ତବ କହିଛନ୍ତି ।
ସୂଚନା ଯୋଗ୍ୟ, ଗୁରୁବାର ସକାଳେ ଇମ୍ରାନ ଖାନ ଏକ ବିଭ୍ରାନ୍ତିକର ରିପୋର୍ଟ ଟ୍ୱିଟ କରି କହିଥିଲେ ଯେ ଭାରତରେ ପ୍ରାୟ ୩୪ ପ୍ରତିଶତ ପରିବାର ସପ୍ତାହରୁ ଅଧିକ ସମୟ ବିନା ସହଯୋଗରେ ତିଷ୍ଠି ପାରିବେ ନାହିଁ ।
