ନୃସିଂହ ଜନ୍ମ
ନୃସିଂହ ଜନ୍ମ
admin
2805
ବୈଶାଖ ଶୁକ୍ଳ ପକ୍ଷ ଚର୍ତୁର୍ଦ୍ଦଶୀରେ ସାରା ଭାରତରେ ନୃସିଂହ ଜନ୍ମ ପାଳନ କରାଯାଏ । ଏହି ଦିନରେ ଭଗବାନ ବିଷ୍ଣୁ ନୃସିଂହ ଅବତାରରେ ରାକ୍ଷସରାଜ ହିରଣ୍ୟକଶିପକୁ ବଧ କରିବା ସହ ଭକ୍ତ ପ୍ରହ୍ଲାଦଙ୍କୁ ରକ୍ଷା କରିଥିଲେ । କଠୋର ତପସ୍ୟା ଦ୍ୱାରା ବ୍ରହ୍ମାଙ୍କୁ ସନ୍ତସ୍ୱ୍ମୃ କରି ହିରଣ୍ୟକଶିପକୁ ବର ଲାଭ କରିଥିଲା । ବର ଅନୁଯାୟୀ, ନା ସେ ମଣିଷ ହାତରେ ମରିବ ନା ପଶୁ ଦ୍ୱାରା , ନା ଦିନରେ ମରିବ ନା ରାତିରେ, ନା ଘରେ ମରିବ ନା ବାହାରେ, ନାଭୂଇଁରେ ନା ଆକାଶରେ, ନା କୌଣସି ଅସ୍ତ୍ର ଦ୍ୱାରା ମରିବ । ଏହି ବର ପାଇବା ଦ୍ୱାରା ତାର ଅହଂକାର ବଢ଼ି ଚରମ ସୀମାରେ ପହଂଚିଥିଲା । ଭଗବାନ ବଦଳରେ ତାଙ୍କୁ ପୂଜା କରିବା ପାଇଁ ସେ ସମସ୍ତଙ୍କ ଉପରେ ବଳ ପ୍ରୟୋଗ କଲା । ସମସ୍ତେ ତା ଅତ୍ୟାଚାରରେ ଥର ହର ହେଲେ । କେବଳ ପୁତ୍ର ପ୍ରହ୍ଲାଦ ତାଙ୍କର ଦୃଷ୍ଟ ପିତାଙ୍କ କଥା ଶୁଣିବାକୁ ପ୍ରସ୍ତୁତ ନଥିଲା । ବିଭିନ୍ନ ପ୍ରକାରେ ବିଷ୍ଣୁ ଭକ୍ତ ପୁତ୍ରକୁ ମାରିବାକୁ ଚେଷ୍ଟା କରି ବିଫଳ ହେବା ପରେ ପ୍ରହ୍ଲାଦଙ୍କୁ ପ୍ରଶ୍ନ କରିଥିଲା ତୋ ଭଗବାନ ଯଦି ସବୁଠି ଅଛନ୍ତି ତେବେ ମୁଁ କାହିଁକି ଏହି ସ୍ତମ୍ଭରେ ଦେଖି ପାରୁନାହିଁ? ସେଠାରୁ ସ୍ତମ୍ଭ ଫଟାଇ ବାହାରିଥିଲେ ନୃସିଂହ । ସେ ନିଜ ହାତରେ ରାକ୍ଷସକୁ ଉଠାଇ ନିଜ ଜଂଙ୍ଘ ଉପରେ ପକାଇ ନଖ ଦ୍ୱାରା ଚିରି ବଧ କରିଥିଲେ । ନୃସିଂହ ନା ପୂର୍ଣ୍ଣ ମଣିଷ ନା ପୂର୍ଣ୍ଣାଙ୍ଗ ପଶୁ ଥିଲେ । ହିରଣ୍ୟ କଶ୍ୟପ ମରିବା ବେଳେ ଗୋଧୂଳି ସମୟ ଥିଲା । ଅର୍ଥାତ ଦିନ ନୁହେଁ କି ରାତି ନୁହେଁ ତାର ପ୍ରାଣ ଯାଇଥିଲା । ପୁଣି ସେ ଅସ୍ତ୍ର ବ୍ୟବହାର କରିନଥିଲେ । ନୃସିଂହ ଜନ୍ମର ଆଧ୍ୟତ୍ମିକ ମର୍ମ: ଅହଂକାର ଓ ଅତ୍ୟାଚାରର ନାଶନ ।
