ନିଜ ଦେହରେ ନିଆଁ ଲଗାଇ ଯୁବକ ଥାନାରେ ପଶିଗଲା
ନିଜ ଦେହରେ ନିଆଁ ଲଗାଇ ଯୁବକ ଥାନାରେ ପଶିଗଲା
admin
2222
ପାଲଲହଡ଼ା: ନିଜ ଦେହରେ ନିଆଁ ଲଗାଇ ଜଣେ ଯୁବକ ଥାନା ଭିତରକୁ ପଶିଯିବା ଭଳି ଏକ ଅଭାବନୀୟ ଘଟଣା ଶନିବାର ଘଟିଛି । ଦେହରେ ନିଆଁ ଲଗାଇ ଜଣେ ଯୁବକ ଅନୁଗୁଳ ଜିଲ୍ଲା ପାଲଲହଡ଼ା ଥାନା ଭିତରକୁ ପଶିଯାଇଥିବା ଜଣାଯାଇଛି । ଏଥିରେ ଆହତ ଯୁବକଙ୍କୁ ପୁଲିସ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି ।
ପ୍ରକାଶ ଯେ, ଈଶ୍ୱରନଗରର ସମ୍ପୃକ୍ତ ଯୁବକ ଆଜି ଥାନା ନିକଟକୁ ଆସିଥିଲେ । ହଠାତ ଦେହରେ ନିଆଁ ଲଗାଇ ଥାନା ଭିତରକୁ ଦୌଡ଼ି ପଶିଯାଇଥିଲେ । ଥାନା ଥିବା ପୁଲିସ କର୍ମଚାରୀମାନେ ଯୁବକଙ୍କୁ ଉଦ୍ଧାର କରିଥିଲେ । ଯୁବକଙ୍କ ଦେହକୁ ନିଆଁ ଲିଭାଇବାକୁ ଯାଇ ଜଣେ କନଷ୍ଟେବଳ ଆହତ ହୋଇଥିବା ଜଣାଯାଇଛି ।
ତେବେ ପ୍ରେମ ବ୍ୟାପାରକୁ ନେଇ ଯୁବକ ଜଣକ ଏମିତି କରିଥିବା ପୁଲିସ ପକ୍ଷରୁ କୁହାଯାଇଛି । ଏପରିକି ସମ୍ପୃକ୍ତ ଯୁବକଙ୍କ ମାନସିକ ବିକୃତ ଥିବା ପାଲଲହଡ଼ା ପୁଲିସ ପକ୍ଷରୁ କୁହାଯାଇଛି ।
