ନାରୀ ବେଶରେ ଅକ୍ଷୟ
ନାରୀ ବେଶରେ ଅକ୍ଷୟ
admin
5904
ନିଜ ଅଭିନୟକୁ ନେଇ ପରୀକ୍ଷାନିରୀକ୍ଷା କରିବାକୁ ପସନ୍ଦ କରନ୍ତି ଖିଲାଡି ଷ୍ଟାର ଅକ୍ଷୟ କୁମାର । ଅଣ ପାରମ୍ପରିକ କାହାଣୀ ଉପରେ ନିର୍ମିତ ‘ପ୍ୟାଡମ୍ୟାନ’ ଓ ‘ଟଏଲେଟ ଏ ପ୍ରେମକଥା’ ପରି ନୂତନ ସ୍ୱାଦର କାହାଣୀ ଉପରେ ନିର୍ମିତ କଥାଚିତ୍ରରେ ଅଭିନୟ କରି ସେ ସମସ୍ତଙ୍କୁ ଚମକାଇ ଦେଇଥିଲେ । ସମସ୍ତେ ଭାବିଥିଲେ ବୋଧହୁଏ ବଲିଉଡର ସାଧାରଣ ‘କମର୍ସିଆଲ ଛାପ’ ସିନେମାର ମୋହରୁ ସେ ମୁକୁଳି ଆସିଛନ୍ତି । ହେଲେ ‘ହାଉସଫୁଲ’ରେ ଅଭିନୟ କରି ସେ ଉକ୍ତ ଧାରଣାକୁ ଭୁଲ ପ୍ରମାଣିତ କରିଛନ୍ତି । ତାଙ୍କର ଅନ୍ୟତମ ଆଗାମୀ କଥା ଚିତ୍ର ‘ଲକ୍ଷ୍ମୀ ବମ୍ବ’ର ନିର୍ମାଣ କାମ ଏବେ ଜୋରସୋରରେ ଚାଲିଛି । କିଛି ଦିନ ତଳେ ତାର ଏକ ଦୃଶ୍ୟ ସୋସିଆଲ ସାଇଟରେ ସେୟାର କରି ପୁଣିଥରେ ସମସ୍ତଙ୍କୁ ଚମକାଇ ଦେଇଛନ୍ତି । ଉକ୍ତ ଦୃଶ୍ୟରେ ସେ ମା’ଦୁର୍ଗାଙ୍କ ପ୍ରତିମା ସମ୍ମୁଖରେ ଲାଲ ରଙ୍ଗର ଶାଢ଼ି ପିନ୍ଧି ଠିଆ ହୋଇଛନ୍ତି । ମୁଣ୍ଡରେ ବରକୋଳି ଆକାରର ସିନ୍ଦୂର ଓ ହାତରେ ଲାଲ ରଙ୍ଗର ଚୂଡି । ଅକ୍ଷୟଙ୍କ ଏହି ମହିଳା ‘ଲୁକ୍’କୁ ନେଇ ତାଙ୍କ ପ୍ରଶଂସକଙ୍କ ମହଲରେ ଉକ୍ରଣ୍ଠା ପ୍ରକାଶ ପାଇଛି ।
