ନାଗ-ନାଗୁଣୀଙ୍କ ଲଭଷ୍ଟୋରି, ଜାଲରେ ଫସି ବି ପ୍ରେମ
ନାଗ-ନାଗୁଣୀଙ୍କ ଲଭଷ୍ଟୋରି, ଜାଲରେ ଫସି ବି ପ୍ରେମ
admin
2279
ଭୁବନେଶ୍ୱର: ନାଗ ସହ ନାଗୁଣୀର ପ୍ରେମ । ଜାଲରେ ଫସି ବି ନାଗୁଣୀ ସହ ନାଗର ମିଳନର ଦୃଶ୍ୟ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଏଭଳି ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ଡେଲାଙ୍ଗ ବ୍ଲକ ଅନ୍ତର୍ଗତ ଜୟପୁର ଗ୍ରାମରେ । ନାଗ ସାପ ଜାଲରେ ଛନ୍ଦି ହୋଇଯିବା କିଛି ନୂଆ ଘଟଣା ନୁହେଁ । ମୁକୁଳି ନ ପାରି ମରିଯିବାର ଉଦାହରଣ ମଧ୍ୟ ଅନେକ ରହିଛି । ହେଲେ ଏକ ଆଶ୍ଚର୍ଯ୍ୟଜନକ ଘଟଣା ଚକ୍ରରେ ଘର ବାଡ଼ିରେ ଲାଗିଥିବା ଜାଲରେ ଛନ୍ଦି ହୋଇ ନିଶ୍ଚିତ ମୃତୁ୍ୟକୁ ଅପେକ୍ଷା କରି ପଡିଥିବା ଏକ ନାଗ ସାପ ନାଗୁଣୀର ସମ୍ମୋହନରେ ବଶୀଭୂତ ହେଲେ ତା ସହ ରମଣ (ମେଟିଂ) କରିବାରେ ସକ୍ଷମ ହୋଇଛି । ପୁରା ଘଟଣାଟି ନ୍ୟାସନାଲ ଜିଓଗ୍ରାଫିକ ୱାଇଲ୍ଡ ଲାଇଫ ଦୃଶ୍ୟ ଠାରୁ ମଧ୍ୟ ରୋମାଞ୍ଚକର । ସୂଚନା ଅନୁଯାୟୀ ଜୟପୁରର ସଞ୍ଜୟ ସ୍ୱାଇଁଙ୍କ ଖଳା ବାଡ଼ିରେ ଏକ ନାଗ ସାପ ଚଳପ୍ରଚଳ କରିବା ଦେଖି ପରିବାର ଲୋକେ ସ୍ନେକ ହେଲପ ଲାଇନକୁ ଖବର ଦେଇଥିଲେ । ସ୍ନେକ ହେଲପ ଲାଇନ ସଦସ୍ୟ ସୁଶାନ୍ତ କୁମାର ବେହେରା ଘଟଣା ସ୍ଥଳରେ ପହଞ୍ଚି ଦେଖିଲା ବେଳକୁ ପ୍ରାୟ ୫ ଫୁଟ ଲମ୍ବର ଏକ ନାଗ ସାପ ସେଇ ଖଳା ବାଡ଼ିରେ ଘେରା ଯାଇଥିବା ଜାଲରେ ଫସି ଯାଇଛି । ଜାଲକୁ କାଟି ସାପକୁ ମୁକ୍ତି କରିବାକୁ ଚିନ୍ତା କରୁଥିବା ବେଳେ ଅନ୍ୟ ଏକ ୪ ଫୁଟ ଲମ୍ବର ସାପ ଆସି ଜାଲରେ ଛନ୍ଦି ହୋଇଥିବା ସାପକୁ ଶୁଙ୍ଘିବାରେ ଲାଗିଥିଲା । ସୁଶାନ୍ତ ଆଉ ସେମାନଙ୍କୁ ବ୍ୟସ୍ତ କରିନଥିଲେ । ଏଭଳି ଏକ ଦୃଶ୍ୟ ସୁଶାନ୍ତ ଜୀବନରେ କେବେ ଦେଖିନଥିଲେ ।
