ନଦୀରେ ବୁଡ଼ିଗଲେ ବାପା ଓ ପୁଅଝିଅ

Mar 23, 2019 - 05:00 Updated: Mar 23, 2019 - 05:00

5544

ସମ୍ବଲପୁର: ସମ୍ବଲପୁର ଜିଲ୍ଲା ଠେଲକୁଲି ଅଂଚଳରେ ଏକ ଅଭାବନୀୟ ଘଟଣା ଘଟିଛି । ନଦୀରେ ବୁଡି ଗୋଟିଏ ପରିବାରର ୩ ଜଣ ମୃତ୍ୟୁ ବରଣ କରିଛନ୍ତି । ସୂଚନା ଅନୁଯାୟୀ ଶୁକ୍ରବାର ଠେଲକୁଲି ଥାନା ଖେରୁଆଳ ନଦୀକୁ ଗୋଟିଏ ପରିବାରର ବାପା,ପୁଅ ଏବଂ ଝିଅ ଗାଧେଇବା ପାଇଁ ଯାଇଥିଲେ । ହୋଲି ଖେଳି ସାରିବା ପରେ ତିନି ଜଣ ନଦୀକୁ ଯାଇଥିଲେ । ଦୁଃଭାଗ୍ୟବଶତଃ ସେମାନେ ବୁଡି ଯାଇଥିଲେ । ତେବେ ସନ୍ଧ୍ୟା ଯାଏ ନ ଫେରିବାରୁ ପରିବାର ଲୋକେ ଠେଲକୋଲୋଇ ଥାନାରେ ଅଭିଯୋଗ କରିଥିଲେ। ଆଜି ସକାଳେ ଦମକଳ ବାହିନୀ ସହାୟତାରେ ୩ ଜଣଙ୍କ ମୃତଦେହ ନଦୀରୁ ଉଦ୍ଧାର କରାଯାଇଥିଲା। ଏହି ଘଟଣାକୁ ନେଇ ପୁଲିସ୍ ଏକ ଅପମୃତ୍ୟୁ ମାମଲା ରୁଜୁ କରିଛି।