ଡି.ବ୍ରଦର୍ସଙ୍କ ଘରୁ ପୁଣି ବନ୍ଧୁକ ଜବତ
ଡି.ବ୍ରଦର୍ସଙ୍କ ଘରୁ ପୁଣି ବନ୍ଧୁକ ଜବତ
admin
3664
ଭୁବନେଶ୍ୱର: ଧଳସାମନ୍ତ ଭ୍ରାତାଙ୍କ ଘରେ ରେଡ ନେଇ ଶନିବାର ଡିସିପି ପ୍ରତୀକ ସିଂ ସବିଶେଷ ସୂଚନା ଦେଇଛନ୍ତି । ସେ କହିଛନ୍ତି ଯେ, ଉଭୟଙ୍କୁ ରିମାଣ୍ଡରେ ଆଣି ଜେରା ପରେ ଘରୁ ବିପୁଳ ଜିନିଷ ମିଳିଛି । ଗତକାଲି ଠାରୁ ଘରେ ଚାଲିଥିବା ସର୍ଚ୍ଚ ଅପରେସନ ଆଜି ଶେଷ ହୋଇଛି । ସିକ୍ରେଟ ଚାମ୍ବରରେ ଲୁଚାଇ ରଖିଥିବା ୩ଟି ବନ୍ଧୁକ ମିଳିଛି । ୫ଟି ମ୍ୟାଗଜିନ, ୧୭୫ ଗୁଳି ସହ ୧୬.୫ ଲକ୍ଷ ଟଙ୍କା ଜବତ କରାଯାଇଛି । ବାଲିଘାଟ, ମଦ ଦୋକାନରୁ ଲୋକ ଲଗାଇ ଦାଦାବଟି ଆଦାୟ କରୁଥିଲେ । ବଟି ଆଦାୟ ଓ ଅସ୍ତ୍ରଶସ୍ତ୍ର ରଖିବା ନେଇ ତଦନ୍ତ ଚାଲୁ ରହିଛି ବୋଲି ଡିସିପି ପ୍ରତୀକ ସିଂ ସବିଶେଷ ସୂଚନା ଦେଇଛନ୍ତି ।
ପୂର୍ବରୁ ଡି-ବ୍ରଦର୍ସଙ୍କ ଘରୁ ବହୁ ପରିମାଣର ମାରଣାସ୍ତ୍ର ଜବତ ହୋଇଥିଲା । ୧୦ରୁ ଅଧିକ ବନ୍ଧୁକ ସହ ବହୁ ଗୁଳିଗୋଳା ଜବତ କରିଥିଲା ପୁଲିସ୍ । ୧୬ଟି ବନ୍ଧୁକ, ୧୦୯୫ ରାଉଣ୍ଡ ଗୁଳି, ୨୪ ମାଗାଜିନ, ୧୬ଟି ମୋବାଇଲ, ୪ଟି ମୋଟର ସାଇକେଲକୁ ଜବତ ହୋଇଥିଲା । ଦୁଇ ଧଳସାମନ୍ତ ବ୍ରଦର୍ସଙ୍କ ଇଙ୍ଗିତରେ ବେଆଇନ ବନ୍ଧୁକ କାରବାର କରୁଥିବା ୮ଜଣଙ୍କୁ ମଧ୍ୟ ଗିରଫ ହୋଇଥିଲେ । ଏସବୁ ବନ୍ଧୁକ ବିହାରରୁ ଆସୁଥିବାର ଲିଙ୍କ ପୁଲିସ୍ ହାତରେ ଲାଗିଥିଲା । ଏହି ମାମଲାର ଅଧିକ ଖୋଳତାଡ଼ ଜାରି ରହିଛି ।
