ଟିଏମସି ପ୍ରାର୍ଥୀ ତାଲିକା ଘୋଷଣା : ନନ୍ଦୀଗ୍ରାମରୁ ଲଢ଼ିବେ ମମତା
ଟିଏମସି ପ୍ରାର୍ଥୀ ତାଲିକା ଘୋଷଣା : ନନ୍ଦୀଗ୍ରାମରୁ ଲଢ଼ିବେ ମମତା
admin
4881
କୋଲକାତା : ତୃଣମୂଳ କଂଗ୍ରେସ ଏହାର ୨୯୧ ପ୍ରାର୍ଥୀ ତାଲିକା ପ୍ରକାଶ କରିଛି । ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀ ପ୍ରାର୍ଥୀଙ୍କ ନାମ ଘୋଷଣା କରିଛନ୍ତି । ଚଳିତ ନିର୍ବାଚନରେ ସେ ୫୦ ଜଣ ମହିଳାଙ୍କୁ ଟିକେଟ ଦେଇଥିବାବେଳେ ୪୨ ଜଣ ମୁସଲିମଙ୍କୁ ବି ପ୍ରାର୍ଥୀ କରିଛନ୍ତି । ବିଶେଷକରି ମହିଳା ଓ ସଂଖ୍ୟାଲଘୁ ଭୋଟ ହାତେଇବା ପାଇଁ ମମତା ଏଭଳି ରଣନୀତି କରିଥିବା କୁହାଯାଉଛି । ଅପରପକ୍ଷରେ ଉତର ବେଙ୍ଗଲର ୩ଟି ଆସନରେ ଟିଏମସି ପ୍ରାର୍ଥୀ ଦେବ ନାହିଁ । ଏହି ୩ ଆସନରେ ସହଯୋଗୀ ଦଳ ଲଢ଼ିବେ । ସେହିପରି ସେ ନିଜେ ନନ୍ଦୀଗ୍ରାମରୁ ଲଢ଼ିବେ ବୋଲି ମମତା ଘୋଷଣା କରିଛନ୍ତି ।
ଗୋଟିଏ ପଟେ ବିଜେପି ଓ ତୃଣମୂଳ କଂଗ୍ରେସ ପକ୍ଷରୁ ପ୍ରାର୍ଥୀ ତାଲିକା ନେଇ ବିଚାର ବିମର୍ଷ ହେଉଥିବାବେଳେ ଅପରପକ୍ଷରେ ବିଧାନନଗର ଅଂଚଳରେ ଉଭୟ ଦଳର କର୍ମୀମାନେ ମୁହାଁମୁହିଁ ହୋଇଛନ୍ତି । ଏକ ବିଜେପି ପତାକା ପୋତିବାକୁ କେନ୍ଦ୍ର କରି ଉଭୟ ଗୋଷ୍ଠୀଙ୍କ ମଧ୍ୟରେ ସଂଘର୍ଷ ହୋଇଛି ।
