ଚର୍ଚ୍ଚାରେ ପ୍ରିୟଙ୍କାଙ୍କ ଜନ୍ମ ଦିନ କେକ୍

Jul 30, 2019 - 06:29 Updated: Jul 30, 2019 - 06:29

3163

ସ୍ୱାମୀ ନିକ୍ ଜୋନ୍ସ ଓ ପରିବାର ସହିତ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବେ ମିଆମିରେ ଛୁଟି କାଟୁଛନ୍ତି । ଦୁଇ ଦିନ ତଳେ ସେଠାରେ ସେ ନିଜର ୩୭ତମ ଜନ୍ମ ଦିନକୁ ଧୁମଧାମରେ ପାଳିଥିଲେ । ଜନ୍ମଦିନର ଆସର ଖୁବ ବ୍ୟୟବହୁଳ ଥିଲା । ଅନ୍ୟାନ୍ୟ କାର୍ଯ୍ୟକ୍ରମ ଠାରୁ ଆକର୍ଷଣର କେନ୍ଦ୍ରବିନ୍ଦୁ ଥିଲା ପ୍ରିୟଙ୍କାଙ୍କ ପାଇଁ ଆସିଥିବା ଲାଲ ରଙ୍ଗର ଦାମୀ କେକ । ଯାହାକୁ ନିକ୍ ଜଣେ କେକ ପ୍ରସ୍ତୁତକାରୀଙ୍କ ଦ୍ୱାରା ସ୍ୱତନ୍ତ୍ର ଭାବେ ତିଆରି କରାଇଥିଲେ ଏବଂ ପ୍ରାଣପ୍ରିୟା ପତ୍ନୀଙ୍କୁ ଉପହାର ଦେଇଥିଲେ । କେକ୍ର ସ୍ଥାନେ ସ୍ଥାନେ ଅତି ପତଳା ସୁନାର ଛାଞ୍ଚ ଦିଆଯାଇଥିଲା । ଭାରତୀୟ ମୁଦ୍ରାରେ ଏହାର ଦାମ ତିନି ଲକ୍ଷ ପଞ୍ଚଚାଳିଶ ଟଙ୍କା ହେବ । ଏହି ଦୁର୍ମୂଲ୍ୟ କେକ୍ ତିଆରି ପାଇଁ ୨୪ ଘଣ୍ଟା ସମୟ ଲାଗିଥିଲା । ଜନ୍ମଦିନ ପାଳନ ବେଳେ ଲାଲ ରଙ୍ଗର ଡ୍ରେସରେ ପ୍ରିୟଙ୍କା ବେଶ ଝଲସିଥିଲେ । ମିଡିଆରେ ଏହି ଫଟୋ ଏବେ ଚର୍ଚ୍ଚାରେ ।