ଗୁଣି ଗାରେଡି ସନ୍ଦେହରେ ପୁଣି ଏକ ମୁଣ୍ଡ ଗଡ଼ିଲା
ଗୁଣି ଗାରେଡି ସନ୍ଦେହରେ ପୁଣି ଏକ ମୁଣ୍ଡ ଗଡ଼ିଲା
admin
3147
ବାରିପଦା--: ଆଜିର ସମାଜରେ ବିଜ୍ଞାନ ଯେତିକି ଅଗ୍ରଗତି କରୁଛି ସେହି ଅନୁସାରେ ସମୟ ସହିତ ତାଳଦେଇ ଅନ୍ଧ ବିଶ୍ବାସ ଓ କୁସଂସ୍କାର ଜନସାଧାରଣଙ୍କ ମୁଣ୍ଡରେ ବସାବାନ୍ଧି ରହିଛି । ମୟୂରଭଞ୍ଜ ଜିଲ୍ଲାରେ ଏହି ଅନ୍ଧ ବିଶ୍ୱାସ ଓ କୁସଂସ୍କାର ପାଇଁ ପ୍ରତ୍ୟେକ ବର୍ଷ ଏକାଧିକ ମହିଳା ଓ ପୁରୁଷଙ୍କ ମୁଣ୍ଡ ଗଡୁଛି । ଏହାର ଉଦାହରଣ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ବଡଜାମଦା ଗ୍ରାମରେ । ଗତ ଜାନୁଆରୀ ୧୧ ଶନିବାର ବିଳମ୍ବିତ ରାତିରେ ବଡ଼ଜାମଦା ଗ୍ରାମର ଟୀକା ନାଏକ ହତ୍ୟାକାଣ୍ଡ ଘଟଣା ଉପରୁ ହଟିଛି ପରଦା ।
ଅଭିଯୁକ୍ତକୁ ପୋଲିସ ଗିରଫ କରିବା ପରେ ସତ୍ୟ ଲୋକଲୋଚନକୁ ଆସିଛି । ବିଶୋଇ ଥାନା ପୁଲିସ ହତ୍ୟାରେ ବ୍ୟବହୃତ ଅସ୍ତ୍ରକୁ ମଧ୍ୟ ଜବଦ କରିଛି । ଗିରଫ ହୋଇଥିବା ଅଭିଯୁକ୍ତ ଯୁବକ ବଡ଼ ଜାମଦା ଗ୍ରାମର କୃଷ୍ଣ ନାଏକଙ୍କ ପୁଅ ପାଣ୍ଡୁ ନାଏକ ବୋଲି ଜଣାପଡିଛି । ପ୍ରାୟ ବର୍ଷେ ପୂର୍ବରୁ ପାଣ୍ଡୁର ବାପା କୃଷ୍ଣଙ୍କ କୌଣସି କାରଣରୁ ମୃତ୍ୟୁ ହୋଇଥିଲା ଓ ଏହା ଗୁଣି ଗରେଡି ଜନିତ ମୃତ୍ୟୁ ବୋଲି ପାଣ୍ଡୁର ମୁଣ୍ଡ ଭିତରେ ଭୁତ ବସା ବାନ୍ଧିଥିଲା । ଏଥିସହିତ ବାପାର ମୃତ୍ୟୁ ହେବା ପଛରେ ଟିକାର ହାତ ଥିବା ସନ୍ଦେହ କରି ତାକୁ ରାସ୍ତାରୁ ହଟାଇ ଦେବା ନିମନ୍ତେ ସୁଯୋଗ ଅପେକ୍ଷାରେ ଥିଲା ଏବଂ ଗତ ଜାନୁଆରୀ ୧୧ ଶନିବାର ରାତିରେ ସୁଯୋଗ ପାଇ ହତ୍ୟାକାଣ୍ଡ ଭିଆଇ ଥିଲା । ଏହି ହତ୍ୟାକାଣ୍ଡରେ ତାର ସାଙ୍ଗ ବଡ଼ଜାମଦା ଗ୍ରାମର ବିକାଶ ସେଠୀ ସହଯୋଗ କରିଥିବାର ଅଭିଯୁକ୍ତ ପାଣ୍ଡୁ ପୁଲିସ ନିକଟରେ ସ୍ୱୀକାର କରିଛି । ଅଭିଯୁକ୍ତ ପାଣ୍ଡୁର ସ୍ୱାସ୍ଥ୍ୟ ଯାଞ୍ଚ ପରେ କୋର୍ଟ ଚାଲାଣ କରାଯାଇଥିବାର ପୋଲିସ ସୂତ୍ରରୁ ଜଣାପଡ଼ିଛି ।
