ଗୁଜରାଟ ବଡୋଦରାରେ ଗୋଟିଏ ପରିବାରର ୬ ଜଣ ସଦସ୍ୟ ଆତ୍ମହତ୍ୟା

Mar 5, 2021 - 08:50 Updated: Mar 5, 2021 - 08:50

2480

ବଡେ଼ାଦରା: ଗୁଜରାଟ ବଡୋଦରାରେ ଗୋଟିଏ ପରିବାରର ୬ ଜଣ ସଦସ୍ୟ ଆତ୍ମହତ୍ୟା କରିଛନ୍ତି । ବେପାରରେ କ୍ଷତି ସହିବାରୁ ଋଣ ସୁଝି ନ ପାରି ସେମାନେ କୀଟନାଶକ ମିଶା କୋଲଡ୍ରିଙ୍କସ ପିଇ ଜୀବନ ହାରିଛନ୍ତି । ୬୮ ବର୍ଷୀୟ ନରେନ୍ଦ୍ର ସୋନି, ତାଙ୍କ ପତ୍ନୀ, ଝିଅ, ପୁଅ, ବୋହୂ ନାତି ବିଷାକ୍ତ କୋଲଡି୍ରଙ୍କସ ପିଇଥିଲେ । ନରେନ୍ଦ୍ରଙ୍କ ସମେତ ତାଙ୍କ ଝିଅ ଓ ନାତିଙ୍କର ମୃତୁ୍ୟ ହୋଇଥିବା ବେଳେ ପତ୍ନୀ, ପୁଅ ଓ ବୋହୂଙ୍କର ଅବସ୍ଥା ଗୁରୁତର ରହିଛି । ସେମାନଙ୍କୁ ଭେଣ୍ଟିଲେଟରରେ ରଖାଯାଇଛି । ନରେନ୍ଦ୍ର ଇମିଟେସନ ଗହଣା ବିକି୍ର କରି ପରିବାର ଚଳାଉଥିଲେ । କିନ୍ତୁ ଲକଡାଉନ ସମୟରେ ତାଙ୍କର ବ୍ୟବସାୟରେ କ୍ଷତି ହୋଇଥିଲା । ଫଳରେ ସେ ନିଜର ଘର ବିକି୍ର କରିବାକୁ ବାଧ୍ୟ ହୋଇଥିଲେ । ପରେ ସେ ନିଜ ପତ୍ନୀ ଓ ବୋହୂଙ୍କର ଗହଣା ବିକିବା ସହ ଝିଅର ସାଇକେଲ ମଧ୍ୟ ବିକିଥିଲେ । ସେ ପଡେ଼ାଶୀମାନଙ୍କ ଠାରୁ ମଧ୍ୟ ଋଣ ଆଣିଥିଲେ । ଶେଷରେ ଋଣ ବୋଝ ବଢ଼ି ଚାଲିବାରୁ ପରିବାର ପରିବାର ସହ ମିଶି ଆତ୍ମହତ୍ୟା କରିବା ଭଳି ଚରମ ପଦକ୍ଷେପ ଗ୍ରହଣ କରିଥିଲେ ।