କିଛି ଲୋକ ପୁନଃ ସଂକ୍ରମିତ ହେଉଛନ୍ତି: ଆଇସିଏମଆର
କିଛି ଲୋକ ପୁନଃ ସଂକ୍ରମିତ ହେଉଛନ୍ତି: ଆଇସିଏମଆର
admin
5039
ନୂଆଦିଲ୍ଲୀ: ଦେଶରେ କିଛି ସ୍ଥାନରେ କରୋନା ରୋଗୀ ପୁନଃ ସଂକ୍ରମିତ ହେବା ଖବର ମିଳିଥିଲା । ଏବେ ଆଇସିଏମଆର (ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ) ପକ୍ଷରୁ ଏହା ସ୍ୱୀକାର କରାଯାଇଛି । ଆଇସିଏମଆର ଡିଜି ବଳରାମ ଭାର୍ଗବ କହିଛନ୍ତି ଦେଶରେ କିଛି ଲୋକ ପୁନଃ ସଂକ୍ରମିତ ହେଉଛନ୍ତି । ସମଗ୍ର ବିଶ୍ୱରେ ମୋଟ ୨୪% ପୁନଃ ସଂକ୍ରମଣ ମାମଲା ଚିହ୍ନଟ ହୋଇଛି । କରୋନାରୁ ସୁସ୍ଥ ହୋଇଥିବା ଜଣେ ବ୍ୟକ୍ତି ୯୦ ରୁ ୧୦୦ ଦିନ ମଧ୍ୟରେ ପୁନଃ ସଂକ୍ରମିତ ହେବାକୁ ପୁନଃ ସଂକ୍ରମଣ କୁହାଯାଉଛି । କିନ୍ତୁ ବିଶ୍ୱ ସ୍ୱାସ୍ଥ୍ୟ ସଂଗଠନ (ଡବ୍ଲୁ୍ୟଏଚଓ) ପୁନଃ ସଂକ୍ରମଣର ସଂଜ୍ଞା ନିରୁପଣ କରିନାହାନ୍ତି କି ଏ ନେଇ କୌଣସି ନିର୍ଦ୍ଧିଷ୍ଟ ଦିନ ଧାର୍ଯ୍ୟ କରି ନାହାନ୍ତି । ତେବେ ବିଶ୍ୱ ସ୍ୱାସ୍ଥ୍ୟ ସଂଗଠନ ଅନୁଯାୟୀ ଅଧିକାଂଶ କରୋନା ସଂକ୍ରମିତ ବ୍ୟକ୍ତି ସୁସ୍ଥ ହେବା ପରେ ସେମାନଙ୍କଠାରେ ଆଣ୍ଟିବଡ଼ି ବିକାଶ ହେବାକୁ ପ୍ରାୟ ୪ ମାସ ଲାଗି ଯାଉଛି ।
