କମିବ ସକାଳୁଆ ସ୍କୁଲ ସମୟ
କମିବ ସକାଳୁଆ ସ୍କୁଲ ସମୟ
admin
3261
ଭୁବନେଶ୍ୱର: କମିବ ସକାଳୁଆ ସ୍କୁଲ ସମୟ । ଅପରାହ୍ନ ଗୋଟାଏ ପରିବର୍ତ୍ତେ ପୂର୍ବାହ୍ନ ୧୧ଟା ୩୦ ମିନିଟ କିମ୍ବା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଠପଢ଼ା ହେବ । କ୍ଲାସ ଆରମ୍ଭ ହେଉଥିବା ସମୟ ସକାଳ ୭ଟାରେ ବି କିଛିଟା ପରିବର୍ତ୍ତନ କରାଯାଇପାରେ । ୯ମ ଓ ଏକାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଠପଢ଼ା ସକାଳ ୬ଟା ୩୦ ରୁ ଆରମ୍ଭ କରାଯିବ । ପ୍ରାୟ ଦୁଇ ଘଣ୍ଟା ଧରି କ୍ଲାସ ଚାଲିବ । ଏହା ପରେ ଦଶମ ଓ ଦ୍ୱାଦଶ ଶ୍ରେଣୀ ପିଲାଙ୍କ ପାଠପଢ଼ା ଆରମ୍ଭ ହେବ ଏବଂ ୩ ଘଣ୍ଟା ମଧ୍ୟରେ ୪ ରୁ ୫ଟି କ୍ଲାସ କରାଯିବ । ସକାଳୁଆ ସ୍କୁଲ ସମୟ ସକାଳ ୭ଟାରୁ ଅପରାହ୍ନ ଗୋଟାଏ ପର୍ଯ୍ୟନ୍ତ ଧାର୍ଯ୍ୟକୁ ନେଇ ବିରୋଧର ସ୍ୱର ଉଠିବା ପରେ ଗଣଶିକ୍ଷା ବିଭାଗ ଏଭଳି ନିଷ୍ପତ୍ତି ନେଇଛି । ଏ ସମ୍ପର୍କରେ ଖୁବଶୀଘ୍ର ବିଧିବଦ୍ଧ ବିଜ୍ଞପ୍ତି ପ୍ରକାଶ କରାଯିବ ବୋଲି ଗଣଶିକ୍ଷା ବିଭାଗର ଜଣେ ବରିଷ୍ଠ ଅଧିକାରୀ କହହିଛନ୍ତି । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଭଦ୍ରକ ଓ ଯାଜପୁର ଜିଲ୍ଲା ଗସ୍ତ କରିବା ଅବସରରେ ହାଇସ୍କୁଲ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ତେବେ ପାଠପଢ଼ା ସମୟକୁ ନେଇ କେତେଜଣ ଛାତ୍ରଛାତ୍ରୀ ମନ୍ତ୍ରୀ ଶ୍ରୀ ଦାଶଙ୍କ ଦୃଷ୍ଟି ଆକର୍ଷଣ କରିଥିଲେ ।
