ଓଡ଼ିଶାର ୩ ଦିନ ପର୍ଯ୍ୟନ୍ତ କେଉଁ ଜିଲ୍ଲାରେ ତାପମାତ୍ରା ବଢ଼ିବ ଜାଣନ୍ତୁ
ଓଡ଼ିଶାର ୩ ଦିନ ପର୍ଯ୍ୟନ୍ତ କେଉଁ ଜିଲ୍ଲାରେ ତାପମାତ୍ରା ବଢ଼ିବ ଜାଣନ୍ତୁ
admin
5980
ଭୁବନେଶ୍ୱର: ଓଡ଼ିଶାର ଆଭ୍ୟନ୍ତରୀଣ ଜିଲ୍ଲା ଗୁଡ଼ିକରେ ଗତ ୨୪ ଘଣ୍ଟା ମଧ୍ୟରେ ହାଲୁକାରୁ ମଧ୍ୟମ ଧରଣର ବର୍ଷା ହୋଇଛି । ସର୍ବାଧିକ ବର୍ଷା କେନ୍ଦୁଝର ଜିଲ୍ଲାର ଯୋଡାଠାରେ ୧୭.୪ ମିମି ରେକର୍ଡ କରାଯାଇଛି । ଜିଲ୍ଲାର ଝୁମ୍ପୁରାରେ ୮୭ ମିମି ଏବଂ କେନ୍ଦୁଝରରେ ୭ ମିମି ବର୍ଷା ହୋଇଛି । ଏଥିସହିତ ବୌଦ୍ଧରେ ୨ ମିମି ଏବଂ ଅନୁଗୁଳରେ ୩ ମିମି ବର୍ଷା ହୋଇଥିବା ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ପାଣିପାଗ କେନ୍ଦ୍ରର ଆକଳନ ଅନୁଯାୟୀ, ରବିବାର ରାଜ୍ୟର ପ୍ରାୟ ସ୍ଥାନରେ ଦିନ ତାପମାତ୍ରା ସ୍ୱାଭାବିକ ଠାରୁ କମ ରହିଛି । କିନ୍ତୁ ଆସନ୍ତା ୩ ଦିନ ପର୍ଯ୍ୟନ୍ତ ଉପକୂଳ ବର୍ତ୍ତୀ ଜିଲ୍ଲା ଗୁଡ଼ିକ ଅପେକ୍ଷା ଆଭ୍ୟନ୍ତରୀଣ ଜିଲ୍ଲା ମାନଙ୍କରେ ସର୍ବାଧିକ ତାପମାତ୍ରା ବଢ଼ିବ । ପ୍ରାୟ ସ୍ଥାନରେ ୪ ରୁ ୫ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ବୃଦ୍ଧି ପାଇବ । ସେହିପରି ଆଗାମୀ ୫ ଦିନ ପର୍ଯ୍ୟନ୍ତ ରାତି ତାପମାତ୍ରାରେ ବିଶେଷ ପରିବର୍ତ୍ତନ ହେବାର ସମ୍ଭାବନା ନାହିଁ । ଆଭ୍ୟନ୍ତରୀଣ ଓଡ଼ିଶାର ଝାରସୁଗୁଡ଼ା, କେନ୍ଦୁଝର, ସମ୍ବଲପୁର, ବାରିପଦା ଏବଂ ଚାନ୍ଦବାଲି ଆଦି ସ୍ଥାନରେ ସର୍ବାଧିକ ତାପମାତ୍ରା ୧ ରୁ ୨ ଡିଗ୍ରୀ ବୃଦ୍ଧି ପାଇଛି । ଉପକୂଳ ବର୍ତ୍ତୀ ଜିଲ୍ଲା ଗଡ଼ିକରେ ଦିନ ତାପମାତ୍ରା ବିଶେଷ ବଢ଼ି ନାହିଁ । ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ବୈଜ୍ଞାନିକ ଉମାଶଙ୍କର ଦାସ ଆକଳନ କରିଛନ୍ତି ଯେ ଆଭ୍ୟନ୍ତରୀଣ ଓଡ଼ିଶାରେ ବର୍ଷା ହୋଇଯାଇଥିବାରୁ ସର୍ବାଧିକ ତାପମାତ୍ରା ଅଧିକ ବୃଦ୍ଧି ପାଇବ ।
